lunes, 1 de diciembre de 2008

jueves, 20 de noviembre de 2008

Apertura da autovía... ¿ou non?

Parece que xa abren a autovía de Cacheiras - Sta. Lucía. "Parece" porque segundo se le no xornal El Correo Gallego non hai nada fixo aínda. Ata para inaugurar non se poñen dacordo. En fin. O caso é que inauguren dunha vez o tramo. Que xa ía sendo hora...
As cousas parece que xa van indo, a modiño, pero van indo.

lunes, 17 de noviembre de 2008

Autobuses do Concello: unha idea proposta en DesbloquearTeo que se fará realidade

Cheogunos a nova de que o Concello está a preparar un sevizo de autobuses de "proximidade", isto é, que cubra as rutas internas do Concello. Deste xeito rematará a odisea dos que, para ir de Casalonga ao Concello (na Ramallosa), tiñan que pasar polo centro de Santiago e cambiar de autobús.
Unha boa iniciativa que desde DesbloquearTeo aplaudimos non só porque beneficia aos veciños senón tamén porque xa fora un tema aquí exposto. Ogallá que desde o Concello nos sigan dando estas novas.

miércoles, 12 de noviembre de 2008

TELETIPO

TERREMOTO EN TEO .STOP. 11/11/2008 20:00 H GMT .STOP. EPICENTRO: CURVA DA GAITEIRA .STOP. ESCALA 9/10 .STOP.

martes, 11 de noviembre de 2008

Movemento de Asociacións en Teo



Parece que ultimamente proliferan os intentos de crear asociacións de comerciantes en Teo. A ver en que queda a historia, porque facendo caso aos medios, chegaron a haber ata 3 intentos de asociacións á vez. 

O interese de crear tanta asociación parece que ten que ver co tema de MercaTeo, unha especie de mercado de comerciantes (tipo OutLet ou os que levan a cabo en Santiago en Amio), e que o alcalde estaba disposto a apoiar a iniciativa pero sempre que fora una asociación  a que o organizara; a idea de MercaTeo xurdiu dunha empresa de Cacheiras segundo contaba Martiño o outro día na radio e por iso non a podían apoiar (economicamente falando).

Os últimos rumores que nos chegan é que xa se está a formar unha asociación con moito empuxe e nos din que axiña saberemos dela. A ver en que queda todo iso.

ACTUALIZADO: Xa teñen Blog e todo, parece que estes de ACEPTEO van en seiro: http://acepteo.blogspot.com/





miércoles, 5 de noviembre de 2008

Nin PSOE nin BNG... don Armando Blanco foi o artífice da depuradora de Balcaide

O que ledes, agora resulta que foi o anterior alcalde, Armando, o que fixo as xestións para ter o alcantarillado de Balcaide. Sendo aínda alcalde, faltando poucas semanas para as eleccións, prometeulles aos veciños que se faría a depuradora e como agora se ve, así foi. 
Esta información vénnos directamente dun dos veciños, así que repetimos o de sempre: poden ser informacións inexactas, pero é o que os veciños contan e o que ven. 
Por iso, desta vez nin PSOE nin BNG nin, incriblememente, Parajó, tiveron nada que ver. Todas as loubanzas para o sr. Blanco. 

lunes, 20 de octubre de 2008

O Alcalde de Teo, por fin, cos veciños

Parecía que non ía a chegar nunca unha noticia coma esta. Pero por fin, nos chegan novas de cambio na forma de facer do alcalde Noriega.
Cóntannos que en Balcaide, un grupo de veciños se reuniú fai uns días co alcalde para pedirlle o alcantarillado, prometido xa desde as anteriores (sí, en plural) lexislaturas... 
O caso é que en poucos días, non só obtiveron a promesa do alcalde de que se arranxaría o asunto, senón que xa se puxeron a traballar no terreo. 
Descoñecemos os detalles, pero falan de que están a instalar unha pequena depuradora nun río que pasa por entre as casas dos veciños.

Por fin, repetimos, unha mostra novidosa, desde logo, do alcalde. 
Desde logo, xa ten gañados a un bo puñado de veciños desa parroquia.


martes, 23 de septiembre de 2008

TEO e a deshumanización

¿Onde quedaron as ilusións dos veciños de Teo cando se produxo un cambio de goberno en Teo? No lixo. Directamente. Porque máis de un ano despois daquel cambio, todo en Teo semella que vai a peor.

Estamos a perder o que tiñamos, o "espírito" de xente unida, que agora parece esquecido. A calquera acción do goberno, hai unha reacción (lóxica, pode ser, non o dubidamos) de parte da oposición. Nas nosas casas nos enteramos de todo isto a través dos magazines que nos chegan, cada un mostrando unha cada da ¿mesma moeda? Porque parece que hai dous Teos. Pero nós sabemos que no fondo, houbo un Teo. Mal gobernado, pero unido. ¿Quen non lembra as festas de Cacheiras? Alí iban os de todas as ideoloxías; agora nin festa nin nada. E a feira cabalar, desplazada do seu lugar de sempre... unha pena. 

E agora, xa fóra de temas políticos que no fondo non nos interesan a ninguén, estamos a vivir a destrucción de parte do noso territorio. Aquel navallazo á terra do que falaban no Bloque cando se facían as autoestradas galegas, agora estase a permitir no seu territorio: autovía Santiago-Estrada, cortando e rachando con centos de aldeas; obras do AVE, outro tanto; mellora Os Tilos - Ramallosa, outro navallazo que destrúe natureza, e nos deshumaniza aínda máis ao meter máis espazo para coches e menos para a xente.

Un panorama desolador. Que fai que para moitos Teo deixe de ser o que era: a nosa querida aldeíña, un lugar idilico para vivir que agora xa se está a converter noutro Milladoiro, Bertamiráns, Brión...


jueves, 11 de septiembre de 2008

O BNG cos deportistas... ¿inimigos?

Parece que o BNG e o deporte non se levan; isto vén a conto da polémica entre a nacionalista Anxela Bugallo e David Cal, como se reflicte na prensa.
O caso este nos lembra ao de Ezequiel Mosquera, ciclista profesional de Teo. Hai anos este mozo, aínda descoñecido, agora está no equipo Xacobeo --antertior Karpin-- e pelexando na Vuelta a España (exemplo) na que quedou quinto na edición 2007.
Como diciamos, hai anos este mozo pedira o patrocinio do Concello de Teo (rexindo Armando) para mercar unhas rodas de bicicleta profesionais para perfeccionar, pero o alcalde negoullas. Así que tivo que seguir loitando sen o apoio institucional. 
Iso sí, coma no caso de David Cal, cando veñen os triunfos, todos se queren apuntar ao carro. Pero o que non sabemos é se o concello está a facer algo non só para patrocinar a este ciclista, senón para fomentar este deporte aproveitando o tirón de Ezequiel. Iso sí que estaría ben para os nosos fillos. E non tanto futbol.

lunes, 8 de septiembre de 2008

Onde está Wally?

Curiosa instantánea de El Correo Gallego, sobre a noticia Cacheiras se une con una comida para sus vecinos.  O mellor é o pé de foto e premio para que atope a "Wally".



Jano Leis, tras la columna de la derecha, durante el ágape




jueves, 4 de septiembre de 2008

Inseguridade cidadá en Teo: agrávase

Coméntannos que onte se produciu outro feito delictivo de especial gravidade en Teo: na zona de Casalonga, produciuse un atraco a plena luz do día, contra a tardiña, e a cara descuberta, nun estanco da zona. Os asaltantes, ademáis de ameazas, tiveron retidos á xente no interior do local.

¿Non son xa moitos os casos como para que desde o Concello e demáis instancias empecen a actuar, como están a facer no concello veciño de Ames? 

Desde aquí xa advertíamos de que algo estaba a pasar en Teo pois a presenza policial (Garda Civil) era como para alarmarse, pero ¿a Policía Local fai labores de vixiancia ou só serve de protección nas saídas do alcalde?

martes, 2 de septiembre de 2008

MOCIÓN SOBRE A ILEGALIDADE DA VIXENCIA DE CERTOS CONTRATOS ASINADOS POLA ALCALDÍA

Que tempos aqueles...

O 2 de maio do ano 2000 o Concello de Teo contrata por un ano, con carácter prorrogable, un servizo de asistencia xurídica [...] Nestas mesmas datas o Concello de Teo contrata un servizo de asesoría ou asistencia Xurídico-urbanística, coa mesma empresa e por un importe económico similar. [...]
Consecuentemente, a Alcaldía do Concello de Teo, pese ás críticas que XXXX fixo en repetidas ocasións aos mecanismos de contratación (e moi especialmente á contratación desta persoa), non só renovou a vixencia do contrato repetidamente, senón que o mantivo e o prorrogou en condicións de manifesta ilegalidade (polo menos a partir de maio de 2004) [...] Por desgracia, este non é o único caso.
[...]

En consecuencia, o Grupo Municipal do XXXX PROPÓN AO PLENO A ADOPCIÓN DO SEGUINTE ACORDO:
1. Cumprir a lei. Interromper, de inmediato, calquera tipo de servizo prestado ao Concello por calquera empresa en base a un contrato xa sen vixencia e sen posibilidade de prórroga.
2. Censurar a actuación política da Alcaldía e do Grupo de Goberno do Concello de Teo por ter permitido estas manifestas ilegalidades
3. Cubrir os servizos municipais que sexan precisos no futuro mediante unha convocatoria pública, en libre competencia entre todas as empresas capacitadas e con vontade de facelo, nun proceso transparente e con garantías,

En Teo, a 15 de xullo de 2005
Asdo.:

Rafael Sisto Edreira
Concelleiro

Sen comentarios...

viernes, 22 de agosto de 2008

Os veciños da urbanización "A Ramallosa" desamparados!

Os veciños desta urbanización atópanse desamparados e sen saber a quen recurir. O problema: falta de licencia de primeira ocupación. Recentemente contrataron asistencia xurídica.
O problema xorde cando estes veciños, dos cales estan "ocupadas" cerca de dous tercios das vivendas, a urbanización carece de licencia de primeira ocupación, co cal os veciños estan sendo suministrados con auga e luz de obra.

O concello de Teo debe entregar a concesión de licencia de primeira ocupación, pero ata que os traballos esten completamente rematados non poden facelo. E está dificil a cousa... Por unha banda, o suministro da auga ten un diámetro excaso para ese tipo de urbanización. Co suministro da luz pasa un tanto do mesmo: potencia insuficiente. Problemas dos que a promotora, Juan Sampedro, non da solucionado polo elevado custo que supera os 600.000 euros. A posibilidade de pagar esta cantidade ca urbanización próxima "Val da Ramallosa" parece pouco probable.

Os veciños, os afectados.
Despois de falar con varios veciños, teñen o medo de sufrir cortes tanto de auga coma de luz. A promotora Juan Sampedro non ten capacidade para desembolsar ditos cartos, de feito -según algúns rumores- a promotora está a pagar "en especies" con algunhas das vivendas...

O que non entendemos é se o Concello de Teo non tiña previsto por un lado a insuficiente rede enerxética para abastecer a urbanización "Val de Ramallosa" e "A Ramallosa", e por outro lado se para o concello non existe como tal esa urbanización -xa que carece de licencia de primeira ocupación- ¿como se explica que algúns veciños esten censados nela? ¿Como se pode censar alguén en algo que non existe para o concello?.
Tamen puidemos comprobar que xa habia xente vivindo na urb. "Val da Ramallosa", ¿terán os mesmos problemas? ¿Onde está o concello para buscar algunha vía de solución?
Esperamos poder ampliar as noticias según nos vaian informando os veciños.


jueves, 21 de agosto de 2008

Subvencions a Cementerios: ¿oportunismo?

Non sabemos como enfocar o asunto das subvencións ás entidades que levan cementerios (como o xa famoso de Cahceiras) que acaba de saír:

Subvencións ás entidades promotoras de cemiterios veciñais

19/08/2008

O Concello aprobou unhas bases para conceder as subvencións municipais, de acordo cos principios de obxectividade, publicidade, libre concorrencia e igualdade, para a realización de actividades relacionadas coa creación, conservación, mantemento, coidado, reparación ou ampliación de cemiterios de titularidade non municipal no concello de Teo.


http://concellodeteo.com/eadministracion/convocatoria.php?id=39&lg=gal


Van dirixidas a os padroados de cemiterios, as asociacións de propietarios e as asociacións veciñais ou parroquiais. Levan unha partida de 28.000 €. ¿Non é un pouco mosqueante que se aproben xusto en medio da polémica do cementerio de Cacheiras? Tendo en conta que só hai 20 días para presentarse (estamos en agosto!) dos que xa pasaron 4... e que hai que facer as actuacións antes do 30 de novembro...
Nós poñemos os datos; vós, os comentarios.

miércoles, 20 de agosto de 2008

Foto denuncia


Nós fixeron chegar, supoñemos que un veciño da zona, o mal estado desta marquesiña en Vuela.

Máis presenza policial en Teo

Volve a presenza policial en Teo, desta vez a Guardia Civil, xa anda a facer controis na zona dos Tilos a calquera hora do día e tamén se ten visto nas pistas do Concello.

¿Nova ondanada de roubos na zona? Seica sí. Así que coidado coas casas baleiras nestas vacacións.

Homenaxe a Anxel Casal

Moito político e cargo institucional, sí, pero ¿e os veciños? Non se ven moitos na foto, que digamos... ¿está a perder tirón o noso alcalde? Mal andamos...


O que máis nos chama a atención é a presenza do camión de bombeiros no acto. ¿Había risco de incendio ou que? ¿Para iso temos camión de bombeiros, para ir a tódolos actos do alcalde? Ademáis dos bombeiros vimos o coche de protección civil, ¿tamén necesario? Co coche da policía municipal sería máis que suficiente, non?

lunes, 11 de agosto de 2008

Fotografía histórica

Pista deportiva en Cacheiras

Ante as novas informacións, redeseñamos o plano de ubicación da pista ao aire libre, que non pabillón cuberto, da explanada do cemiterio. Pista de 28 x 15 m aproximadamente.

lunes, 4 de agosto de 2008

PISTA POLIDEPORTIVA NA EXPLANADA DO CEMITERIO DE CACHEIRAS

Ben, por fin un tema de interese veciñal. É un asunto que se pode ver desde varias formas. Cos datos dos que dipoñemos, tentaremos de aportar puntos de vista.

O asunto, para quen non o coñeza, é que o Concello plantexa facer unhas instalacións deportivas na explanada co ceminterio de Cacheiras. Desde a nosa ignorancia, cremos que se refiren ao camposanto de Cacheiras, o que está ao lado da estrada xeral. Ante esta proposta, hai dúas posturas claras:

Que SI: O Concello e algúns veciños. Nós, por exemplo, queremos estas instalacións deportivas que falta fan para todos.
Que NON: O grupo socialista, apoiando ao padroado do camposanto, composto por uns 2000 veciños. Alegan que quitaría espazo para os aparcadoiros públicos.

Ben, vexamos paso a paso as cousas.


1. O tamaño, importa

Alegan os veciños que a construcción eliminaría espazos de aparcadoiro.

- ¿Qué aparcadoiro, pensamos nós? Alí nunca se ven coches aparcados. Normalmente, un par de camións e como moito un par de coches. ¡Nin en días de feira! Como non sexa o día de Defuntos... porque nin habendo enterros se enche aquilo. Así que NON nos convence esta alegación.

- Falemos de metros. Segundo se pode ver pola cartografía, o espazo da explanada é duns 5.000 m2. O alcalde dicía hoxe na radio que o pabillón ocuparía uns 800 m2 (falo de memoria), ou sexa, un sexto do espazo total (isto sí o dixo). En resumo, unha opción é a que pintamos abaixo:



Se o espazo fora ese, enton cremos que os veciños terían o seu espazo dabondo e todos os veciños poderían disfrutar dunhas instalacións necesarias.
Pero, se tomamos como referencia o pabillón de Calo, e o plantamos enriba da explanada, levamos unha sorpresa, xa que midindo nos da case 2000 m2 de pabillón e a cousa quedaría así:



O espazo se reduce bastante, aínda que habería espazo para todos. Pero NON suficientes, aparte do aspecto visual. Así que este tipo de pabillón, NON nos gustaría alí ubicado.



2. ¿Lugar axeitado?

Aparecían no blog socialista referencias en cando á idoneidade da ubicación: ¡un pabillón ao lado dun cemiterio! Para nós, iso non sería ningún problema:
Primeiro: nesa explanada xa hai un parque infantil e conviven perfectamente.
Segundo: temos o caso de Calo, onde o pabillón está ao lado do cemiterio; leva así anos e que se sepa, non hai queixas. Aportamos foto aérea para que se vexa a situación en Calo:





3. ¿Goberno déspota ou veciños insolidarios?

¿Volvemos atoparnos de novo co "caso Verxeles"? Daquela, o Concello quería meter unha casa de acollida nunha zona residencial en contra dos veciños. Agora, quere ubicar un pabillón tamén en contra da opinión dos veciños. ¿Chamará tamén Martiño "insolidarios" a estes veciños por ir, desta vez, en contra do resto de veciños?. O mesmo que as bandas rugosas, que os veciños non querían.

Como siga así, sumando os veciños de Verxeles, máis estes 2000, máis os das bandas rugosas... e todo isto en menos de 1 ano.... acabarán a lexislatura con todos os veciños en contra!


En resumo, que todo apunta a unha manobra propagandística por parte do Concello. Este tenta facer ver, como no caso os Verxeles, que está a facer unha "boa obra" pero que hai veciños insolidarios que non queren. Isto é o que se vé desde fóra. O que falta é que alguén explique, na prensa por suposto, como pasou en os Verxeles, qué é o que realmente pasa con esa explanada; se é do concello, se é dos veciños, se se pode edificar alí un pabillón, etc. Faltan datos.

miércoles, 23 de julio de 2008

Unha entrada breve pero concisa

En relación aos ataques, se se lles pode chamar así, para nós non son tal, só queremos sinalar que o que pense que este blog é mantido ou ten algo que ver co Bloque, vai por mal, moi mal camiño. A bo entendedor, poucas palabras bastan.
Cando teñamos un rato, ampliaremos este tema; de momento, queda así. Ao fin e ó cabo, as orienteacións deste blog serían difíciles de explicar. Queda todo isto un pouco críptico, pero o importante é o primeiro.

lunes, 21 de julio de 2008

Resposta á mensaxe de Santa, enviada desde o blog socialista

Queremos facer unhas puntualizacións a unha mensaxe aparecida no blog socialista (o oficial) escrita por Santa, entendemos militante ou simpatizante socialista, aínda que iso é o de menos pa nós.

Unha xa non sabe que curioso virus ataca a certos blogues deste concello que
adoptan xustamente unha apariencia contraria ao que pretenden de "facto". [...]
Até os que din querer "desbloquear" (con xogo de colores)Teo e actuan
"bloqueando" descaradamente.


Ben, entendemos que se está a referir ao noso blogue que é voso (¿a qué nos sona isto?...)


-Din estar contra os ladróns da propiedade en Teo, pero dan cabida e reproducen mensaxes de delincuentes que rouban a propiedade intelectual e a "marca" PSdeG-PSOE... Congruente maneira de pedir "seguridade"...

"Delincuentes" chámaos tí, pero iso terá que decidilo un/ha xuiz/a. Nós cremos que son opinións. Pero se cres que son delincuentes, supoño que xa os terás denunciado. Seguro que niso andades, porque si non, non se explica a afirmación anterior.
Por outra banda, non misturemos o tema do blogue co tema da seguridade cidadá. Non nada que ver unha cousa con outra.


-Nunca, xamais, se solidarizaron cos socialistas, malia a noxenta e persistente campaña de calumnias (ladróns,mafiosos, sicarios...)e inxurias... cómpre moita hipocrisía para pechar os ollos ante un xogo tan infame.

Os socialistas xa sodes (son) dabondo maiorciños como para que ninguén os defenda. Nós non estamos para defender a ninguén, porque non nos enteramos nin da metade das cousas das que se falan, maís que nada, porque non nos interesan as rencillas políticas e xogos de nenos pequenos. E punto.


-Nunca, xamais, vimos unha soa crítica (insisto: crítica, xa non condena)contra actuacións ilegais do goberno do BNG, recoñecidas por eles mesmos (iso si, baixo o eufemismo de "erros")como o asfaltado da estrada Solláns-Luou. Pola contra, xustifícase como se a lei fose un atranco que debe ser obviado e as costas das ilegalidades non contasen.

Non podemos dicir que algo é ilegal sin non se demostra. Se o Concello, como o noso representante veciñal, dí que foi un erro, pois un erro será. Se foi ilegal, entendemos que xa a oposición actuaría en consecuecia; de momento, non vimos que fixera nada ao respecto. Vale, que sí, que seguro que se falou no pleno e patatín-patatán... pero iso non chega aos veciños. A ver se vos dades conta: non chega aos veciños, que é a quen ten que chegar.
(Podedes publicalo no boletín, pero con tanta letra... ¿quen o vai ler? Facede uns debuxos, unha caricaturas, que iso sí que entra polos ollos. Por favor, máis imaxinación e inxenio!

E sobre o último comentario, estamos plenamente a favor da lei e tivemos que "sufrila" en moitas ocasións. Temas personales, que ás veces fan pensar a un que canto máis te axustas á lei, máis paus levas... E repetimos o que levamos repetindo: os veciños non saben se foi un erro ou algo ilegal. Só ven o asfalto e xa está.



-E que dicir desa nova teoría de que o importante é facer cousas, sen planificar, sen estudios de impacto, rendibilidade, gastos... todo porque é mellor facer "algo" que nada?

Todo iso é necesario, obviamente. Niso estamos dacordo. Pero o importante ó final é facer cousas.


-Pero é que realmente algún destes xustificadores da ineficacia e a ineficiencia actúan así na súa vida privada, nos seus estudios, no seu emprego?Cren acaso que por escribir calquera cousa nun exame van aprobar?

Grazas por pensar que estamos en idade de facer exames, pero por sorte ou desgracia, según se mire, xa pasamos esa época.


-Cren talvez que un empresario mantería no seu posto de traballo a un empregado que por "facer algo" fixese unha parede torta, un camiño en zig-zag ao chou, colocase unha roda pinchada a un coche... todo por facer "algo"?

A solución sería o despido? Sen contemplacións? Sen intentar saber os motivos desa actuacións? No tema que nos ocupa, non vemos que o PSOE actuase en consecuencia. Máis ben agora saiulles o "tiro pola culata", porque o Bloque soubo darlle a volta á tortilla e poñer a actuación solialista como un atranco para o asfaltado.
Falta plan de ataque organizado no PSOE, xa o vimos dicindo desde hai meses, pero nada... e así con se gañan eleccións. Tedes (imaxino que serás socialista) que reflexionar niso: o "inimigo" utiliza toda a súa maquinaria pesada de propaganda que vos funde todo o voso traballo. Esa é a realidade; e ata que vos deades conta diso, non teredes nada que facer.


E eu, por suposto, non teño nada contra a ideoloxía e as simpatías de cadaquén, pero amólame sobremaneira que se agochen as intencións do que realmente se pretende: "BLOQUEAR" TEO. -Talvez non sexa máis cunha parodia de "Burla Negra"...Que mágoa de xogo sucio! Santa.

É unha mágoa que non entendas a estas alturas de qué vai este blogue. Pensabamos que erades máis intelixentes. Pero vemos que seguides vivindo nos "mundos de Yupi" ou algo así. Un mundo irreal onde as cousas deberían de ser doutra maneira pero non son. Estades nunha cova e canda saídes non sodes capaces de adaptarvos á luz. A luz non é máis que a xente corrente traballadora, que "pasa" dos políticos. Esa é a realidade.

E xa podedes facer as reunións que queirades, planificar todo, facer todo en orde... pero ao final, o que triunfa non é o mellor, é o que mellor se sabe vender. Marketing. Ése é agora a palabra máxica da política. É unha pena, pero é así. E ata que o vexades, non teredes nada que facer.

O futuro so socialismo en Teo pasa por unha renovación: de caras e de actitude.

De caras, é obvio, o cabeza de lista debe cambiar. Non é nada persoal, pero hai que saber o que a xente fala; con ou sen razón, influenciados quizáis por traidores do propio partido. E a opinión sobre o voso cabeza de lista non é moi favorable. E todo é polo marketing. Así de cruel.

E cambio de actitude: non se pode botar a lexistatura tendo un enfrontamento persoal co alcalde. Un enfrontamento persoal que trascende o profesional. Moito criticar a actitude de acoso de derribo de Rajoy contra Zapatero e agora en Teo é o acoso e derribo do PSOE contra o BNG. Podedes dicir que é con razón, e iso non o discutimos, pero o que a xente ve na rúa, e volvemos ó mesmo de sempre, é unha teima do PSOE de Teo por sair nos medios e poñer pancartas e facer ruido. ¿Para qué? Total, con ese candidato nunca chegarán a nada. É o run-run diario. ¿Ou vós non ides ás tabernas? Pois deberiades de ir máis.


E non temos nada máis que dicir. Que cada quen entenda este blogue como queira. Nós sabemos do que falamos; dicimos o que se comenta na rúa e punto. O que queira entender que o faga. O que non, alá el/ela.

jueves, 17 de julio de 2008

El PSOE pide la eliminación de las bandas rugosas y un plan de seguridad vial

Consideran que es necesario asfaltar y señalizar debidamente las carreteras municipales.

El Partido Socialista de Teo, liderado por Jano Leis, reclama la eliminación de las bandas reductoras de velocidad "que o goberno anda sementando no termo municipal", al considerar que la función de las mismas es "ineficaz". Desde las filas socialistas se critica la política de seguridad viaria aplicada por el gobierno de Martiño Noriega y el elevado coste (30.000 euros) que supuso para las arcas la colocación de dichas bandas "que son un fracaso".

Fonte: http://www.elcorreogallego.es/index.php?idMenu=4&idEdicion=947&idNoticia=324192


¿Son un fracaso? ¿De onde sae esa conclusión? Porque o certo é que cumplen coa súa misión: facer que os coches aminoren a velocidade.


También piden la redacción de un mapa de puntos negros en la red viaria de Teo y el diseño de campañas de sensibilización y de educación vial.

Facer un mapa de puntos negros na rede viaria. Moi ben. Moi bonito todo. Todo moi bonito en papel, pero a realidade non se debuxa nun papel, senón sobre o terreo. Temos un mapa de puntos negros e logo ¿que?. ¿Que facemos con el? ¿Miramos para el e miramos o bonito que quedou? Menos papeleo e máis solucións.
O bloque puido equivocarse no tema das bandas rugosas pero alomenos intentou facer algo, que xa é abondo nos tempos que corren. O sistema ten defectos, pero algo é algo. Ás veces é máis conveniente actuar que non facer reunións e reunións...

miércoles, 9 de julio de 2008

Policías tumbados que resucitan...

Seguimos vivo/as, como vedes. Despois dunhas merecidas --porque o dicimos nós-- vacacións, volvemos ao choio con ánimos renovados. Non vos preocupedes, que temos para todo/as... vimos cargadiños de novas de interese.

Policías tumbados que resucitan...

Os chamados cotiamente como policías tumbados, ou sexa, as bandas redutoras de velocidade, están a dar choio aos do Concello. Por un lado, moitas delas estaban sen sinalizar e por outra, moitas son arrincadas polos veniños --realmente, non se sabe quen-- co cal uns andan a tumbar e outros a levantar...
O conto é que a broma está a costar ao Concello e a nós ao fin e ao cabo un diñeiral. Cada módulo son 50 EUR, e xa viña no xornal que gastaron máis de 4000 EUR en repoñer. E calquera que vaia por algún sitio como Augas Mansas pode ver que foron arrincadas filas enteiras.

Ante isto, pensamos en voz alta:

a) O Concello debe darse de conta de que os veciños están en contra. Falta diálogo do Concello cos veciños.
b) ¿Deber ser os veciños deben ser sancionados por estes actos? ¿É un acto de rebeldía "entendible"?
c) ¿Con necesarios estes medios para controla-lo tráfico? En certas zonas, é lóxico que se fan necesarios, pero noutras, vese unha medida desproporcionada.
d) ¿É lóxica a teima do Concello con este tema? Se tanto se preocupa pola seguridade, ¿por que con ten tanta dilixencia para arranxar baches que son case pozos de petróleo e que poden provocar accidentes? Moitas veces non tardan nin unha semana en repoñer as bandas redutoras...
e) ¿Alguén sabe que empresa está a encher os petos con tanta re-colocación das bandas redutoras?

viernes, 6 de junio de 2008

O Concello segue a traballar: ¿por fin se desbloquea?

Accións que está a levar a cabo o Concello que parecen suxerir que, por fin, se está a desbloquear a corporación municipal:
- Asfaltado (é unha forma de dicilo, a verdade sexa dita) en o Montouto, diante do bar Che. Está moi ben, agora poderemos ir tomar algo sen deixarnos as rodas.
- Desbrozado de cunetas pola zona de Solláns e outras partes do municipio. É obriga do Concello manter as cunetas limpas, pero está ben que o fagan ao chegar os primeiros días de calor.

A ver se seguimos así e podemos, por fin, dicir que xa estamos desbloqueados e así tomar unhas vacacións...

Os 24.000 EUR de Os Verxeles: ampliamos información

Xa temos máis información sobre os 24.000 EUR que o Concello ingresou nas contas da Comunidade de veciños de Os Verxeles.
O asunto vén de longo e non é máis que a débeda que tiña o Concello (desde hai máis de 10 anos) coa Comunidade de Veciños polo impago das cotas da Comunidade que lle corresponden ao Concello por ser propietario de vairas parcelas.
A Comunidade interpuso denuncia por vía xudicial, e hai cousa duns meses saío a resolución a favor dos veciños, impoñendo o pago ao Concello para saldar a débeda.
Os 24.000 EUR son o resultado das cotas desde hai uns 10 anos (desde que existe a zona residencial) multiplicado polo número de parcelas coas que conta o Concello nese lugar.

Pero aquí non remata todo. Atención ao que nos dixo o veciño que nos aportou os datos anteriores... NOTA: Estos datos están sen contrastar. A xente maís vencellada ao Concello poderá acceder á documentación (mensaxe directa aos socialistas: poderíades investigar este asunto):

O Concello conta con varias parcelas en Os Verxeles; ao parecer, son as parcelas ás que se facía referencia no Pleno dos Orzamentos e que o Concello quería vender. O que ocorre é que hai un tema nada claro en todo isto: algunhas das parcelas do Concello xa están vendidas e, para máis inri, xa hai contruídos chalés nelas.
Foi un asunto do anterior alcalde. Por un lado, algunhas das parcelas foron vendidas a un empresario e outras foron permutadas por terreos noutra zona residencial. Outra parte, seguen a ser do Concello.

jueves, 5 de junio de 2008

O Concello de Teo paga 24.000 EUR aos veciños de Os Verxeles

Nos informan desta impactante nova: o Concello de Teo abonou máis de 24.oo0 euros aos veciños insolidarios de Os Verxeles.
Non temos máis información de momento; seguiremos informando.

martes, 3 de junio de 2008

Sen entrar en politica, os veciños gañamos

En ánimo de entrar en discusións políticas que só lles interesan aos interesado/as, velaí o resultado do último pleno, según o blog socialista:

APROBAN UNHA TRANSFERENCIA DE CRÉDITO, COA DISCULPA DO ASFALTADO DO TRAMO
BOUÑOU-REIS, DA ESTRADA MILLADOIRO-PONTEVEA, PARA EN REALIDADE PAGAR AS OBRAS DE
ASFALTADO DO TRAMO SOLLÁNS-LUOU, QUE O GOBERNO NACIONALISTA EXECUTOU INCUMPRINDO
TODOS OS REQUISITOS LEGAIS: SEN CONSIGNACIÓN ORZAMENTARIA, SEN PROXECTO TÉCNICO,
SEN EXPEDIENTE DE CONTRATACIÓN...


De onde se deducen dúas cousas:
  • O Concello asfaltou o tramo Solláns-Luou. Ben polo Concello; saímos gañando os veciños.
  • O Concello vai asfaltar o tramo Bouñou-Reis. Ben polo Concello; saímos gañando os veciños.
Esta é a única conclusión que sacan os veciños: o Concello está a asfaltar as estradas. O Concello está a facer un bo labor no Concello, facendo cousas demandadas polos veciños. Sen esquenver os mini-puntos limpos e agora as compostadoras (unha moi bia idea).

E isto, pese a quen lle pese, é a visión que van ter os veciños do alcalde Noriega: está a traballar polos veciños. Os oscuros texemanexes e intereses que hai detrás a ninguén lles importan, ben porque non os entenden, ben porque a xente xa ten problemas abondo como para preocuparse polos políticos e as súas teimas.

martes, 27 de mayo de 2008

¿Estado de sitio en Teo? Case, case...


¿Quen pode dicir o que está a pasar ultimamente en Teo no apartado de segudidade cidadá? ¿Por que tanto despregue policial polas parroquias?


Informáronnos de que o domingo á noite había un gran despregue policial de Garda Civil (unha decena de axentes, nos din) nunha pista de Cacheiras, facendo controis aos condutores. Só lles faltaban as ametralladoras...


Ultima hora: Nos chegaron noticias de que o domingo se produciu unha persecución policial no Concello, mais concretamente por Milladoiro e Solláns... ¿Tería algo que ver cos controis?


Ultima hora II: Outra xente nos comentou cómo a Garda Civil (non de Tráfico) actúa de oficio parando, identificando e ¿multando? a condutores dentro das propias urbanizacións tipo Augas Mansas, Montouto, Verxeis...

Algo está a pasar en Teo no aspecto da seguridade. Reclamamos máis información.

Ultima Hora III: Nos informan de novos controis, esta vez pola Policía Local, na zona da urbanización do Montouto. Lembremos que xa houbo aquí varios roubos a chalés. Parece que a Policía, por fin, está a traballar e non son meros recadeiros do alcalde, como pasaba antes. Os veciños, polo menos, saímos gañando neste aspecto.
¿Estase a desbloquear o Concello?... seguiremos observando.

viernes, 23 de mayo de 2008

¡Ultima Hora! Peche dos bares de Teo

Chegáronnos noticias de que a partir da semana que vén, van pechar os bares de Teo...
Pero non sexamos alarmistas; só se trata de que moitos dos que antes pechaban por descanso os martes, agora o farán os xoves.
As causas non as coñecemos pero seica ten que ver coas obras da autovía... Agradecemos máis información ao respecto.

Uso abusivo dos resaltos nas estradas de Teo, e “ilegais”.

Chegounos esta denuncia ao noso blog:



¿Quen non da un paseo un domingo por Teo, e atópase cada 300 metros unha banda sonora? Ademais se imos pola noite e non as temos localizadas podemosnos dar máis de unha sorpresa, xa que éstas non estan debidamente sinaladas como regula a DXT cas correspondentes sinais verticais.


Según o Real Decreto 1428/2003 do 21 de novembro, no Tit. I, Cap. I, Art. 5, punto 2: “No se considerarán obstáculos en la calzada los resaltos en los pasos para peatones y bandas transversales, siempre que cumplan la regulación básica establecida al efecto por el Ministerio de Fomento y se garantice la seguridad vial de los usuarios y, en particular, de los ciclistas.”


¿Sempre que se cumpra a regulación básica? E cal é isa Regulación básica? Vexamos.


Según o Real Decreto 1428/2003 do 21 de novembro, no Tit. IV, Cap IV, Sección 4ª, Subsección 1, Artigo 149; en referencia as sinais verticais exponse “1. Las señales de advertencia de peligro tienen por objeto indicar a los usuarios de la vía la proximidad y la naturaleza de un peligro difícil de ser percibido a tiempo, con objeto de que se cumplan las normas de comportamiento que, en cada caso, sean procedentes.”


No apartado P-15-a: “P-15 a. Resalto. Peligro por la proximidad de un resalto en la vía”
Co cal entendemos que os resaltos ou badéns na estrada deben ir procedidas cas debidas sinais vertiais, cousa que no concello de Teo, non sucede. O igual que sucede cos pasos de peóns que deben estar sinalizados cas sinais verticais.


Non so se trata de poñer resaltos nas calzzadas para os coches, hai que sinalizalos.



A Xunta de Seguridade... ¿facéndose ver?

Unha reflexión... Desde que se creou a famosa Xunta de Seguridade Local, tal parece que non paran de ir para arriba e abaixo todo o día (A Ramallosa - Os Tilos, Os Tilos - A Ramallosa), como se fora unha liña regular de bus.

Os que andamos a miúdo pola zona de Cacheiras podemos ver como ao longo do día non para de pasar: a Policía Local (no turismo e no todo-terreo), o camión de Bombeiros (en servicio e sen ir en servicio), o coche "multiusos" do Concello e o coche de Protección Civil. ¿É normal tanto desfile? ¿Será para darse a ver?...

Un lector nos comentou que a causa pode ser que moitas veces fan parada polo Montouto, en certo bar ben coñecido; alí se poden ver a diario os citados vehículos: bombeiros, policía e protección civil. Pero nós pensamos que a situación aló do citado bar é meramente casual...

martes, 20 de mayo de 2008

Continúa a ondanada de roubos en Teo.

Chegounos a noticia de que a mediados da semana pasada tivo lugar, no medio da noite, un roubo no bar A Santa Sede, na Ramallosa.
Ademais dos cartos da caixa e da máquina tragaperras, o local sufriu numeros desperfectos.

Observación:
Alguén se vén decatando de que ultimamente hai moita vixianza policial no Concello. Ás roldas da Garda Civil parece que se están a sumar efectivos da Policía Local. ¿Alguén pode aportar datos sobre este feito? Desde logo, no anterior governo a Policía Local era case inexistente e agora estanse a facer ver moito.

martes, 13 de mayo de 2008

Vicepresidencia inspecciona as garderías dos Concellos que criticaron a Quintana

Empeza a vinganza do vicepresidente (BNG), que agora ameaza con tratar de pechar e sancionar a todos aqueles centros de concellos que non se encartaron ás súas esixencias. ¿Entrará Teo no saco?

jueves, 8 de mayo de 2008

DESBLOQUEAR TEO: Inseguridade cidadá en TEO... é preciso actuar xa!

Antes de nada, un par de apuntes de hemeroteca:

Los destrozos del punto limpio obligan al Concello a estudiar medidas de seguridad en el recinto. [...] En las últimas semanas se ha detectado un aumento en los robos en las instalaciones con el consiguiente deterioro de las mismas,
inauguradas en el anterior mandato. La Voz de Galicia, 2008

El Concello de Teo quiere crear un nuevo órgano que coordine la
política de seguridad
. El alcalde teense justifica la necesidad de ese nuevo
organismo «á vista dos últimos acontecementos ocorridos en Teo relativos á
entrada en inmobles e actos vandálicos». La Voz de Galicia, 17/3/2008


O último é revelador: o alcalde admite a situación. E agora, uns apuntamentos que nos chegaron desde vías diferentes sobre o asunto dos roubos.

Por un lado, nos comentan de pequenos furtos en zonas residenciais da zona de Oza (Os Verxeis??). Ademais, nos din que nos últimos meses é moi frecuente a presenza da Garda Civil patrullando pola zona.

Por oura banda, unha persona nos comentaba como hai pouco na urbanización San Sadurniño desvalixaban un chalé a plena luz do día! Unha furgoneta na porta, e a enchela, ante a mirada dos veciños, que creían era unha mudanza!!

E tamén nos chegou onte mesmo un aviso: seica se están a dar roubos en pisos da zona de Cacheiras. Ao parecer, entran a calquera hora do día e forzan a porta; o que nos din é que, para que non se noten os ruidos, fan funcionar un taladro ou similar para que os veciños pensen que son ruidos por obras.

Como vedes, é unha situación que compre ataxar axiña antes de que haxa que lamentarse. Pero como sempre, con parece ser algo que importe aos expertos das mocións.

Última hora: Detienen a dos personas en Ames por robar en el almacén del Hotel Congreso de Montouto. Estos hechos tuvieron lugar en la madrugada del pasado 24 de abril . La Voz, 8/5/2008

martes, 29 de abril de 2008

Martiño está que se sae...

Parece que o alcalce se está a poñer as pilas e xa está a entrar a saco nos medios de comunicación.

Que si un día a Batalla de Cacheiras (seica para o ano, en colaboración coa asociación de Carral, a "festa" vai ser ao grande!), que si outro a nova páxina web... e mesmo hoxe se podía oír na radio Galega que Teo está todo enchido por excavadoras nas cunetas facendo obras a "diestro e siniestro"... e o alcalde a dicir que xa está a buscar máis cartos fóra do Concello para facer todo. Que o importante son os veciños e as necesidades básicas: sumidoiros, electricidade, auga...

A ver si todo isto segue así, a este ritmo, porque a cousa parece que marcha. Así é como queremos ao Concello: que traballe. Por esta vez, moi ben para Martiño.

lunes, 28 de abril de 2008

Nova Web do Concello... Por fin!!

Por fin xa hai nova web do Concello!! Parece que a situación de bloqueo vai amañándose pouco a pouco e o Concello empeza a traballar. A ver si eso é verdade e empeza a traballar en serio...

Por certo, que o tema da subvención xa o adiantamos nós aquí en Xaneiro, lembrades?:

[...] E ademáis, contará con servizo de admnistraciónen liña, que por algo teñen unha subvención de Industria de 100.000 euros. A ver si os aproveitan!

Agora xa sabedes a cantidade pola que están esperando cando no día da presentación da páxina web comentaban isto:

Martiño Noriega, que admitió retrasos en la reforma de la página, la presentó como un "organismo vivo" ·· Anunció que el Concello está a la espera de una subvención para la implantación de la administración electrónica.
(El Correo Gallego)

viernes, 25 de abril de 2008

DE OSEBE Á RAMALLOSA... ¿A PE?

Reflectimos a continuación a demanda dunha veciña de Teo que reivindica melloras no transporte urbano. Son estas as mocións que piden os veciños:

Como cidadá teense reclamo unha liña de autobuses que pase pola zona de Osebe e se dirixa ata A Ramallosa.

Para ir ao Concello non dispoñemos de medio de comunicación e este feito paréceme incrible. Como nin o Governo ni a oposición se decaten dunha necesidade como esta espero que desde esta páxina chegue a coñecemento de quen deba para que solucionen este problema.

Coñezo a moita xernte, sobre todo xubilados, que non teñen maneira de acercarse ó
Concello e deben coller alomenos dous autobuses para chegar ata alí. Espero que
alguén me escoite e vexa os problemas que realmente existen no noso Concello.

Unha veciña.

viernes, 18 de abril de 2008

Manuel Tallón. Repasando a hemeroteca

Xa que está a xurdir inquedanzas sobre a figura do Sr. Tallón, quen abandonou o PSOE en xuño do 2006, algunhas referencias na prensa sobre o tema:

El PSOE teense renueva cargos y nombra a Jano Leis secretario general
El PSOE de Teo ha renovado su comité local. La nueva ejecutiva fue elegida por unanimidad con el objetivo de ganar las próximas elecciones municipales.
Manuel Rama Lesta fue elegido presidente de honor; Zora Leis Barcia, presidenta; Alexandre Leis Carlés, secretario general; Xosé Manuel Elías Noia, secretario de Organización; Manuel Tallón Mesías, secretario de Administración; Lourdes Carreira Liñeiras, secretaria de Igualdade; Rosa Rutherford, secretaria de Comunicación; Germán Conde Tarrío, secretario de Coordinación; Sandra Ribeiro Carro, secretaria de Movementos Sociais y Ana Senra Blanco, secretaria de Programas.

La Voz, 30 de septiembre del 2004

El concejal Manuel Tallón presentó su dimisión como edil del grupo socialista
El concejal socialista y número dos de la lista, Manuel Tallón Mesía, presentó ayer su dimisión como concejal del grupo socialista en el Ayuntamiento de Teo. Su decisión, según Jano Leis, portavoz socialista, está vinculada a cuestiones personales y profesionales. [...] Leis negó que el número dos de la lista del PSOE estuviera en desacuerdo con la forma de hacer oposición del portavoz socialista.
Sin embargo, en otros círculos del gobierno de Teo se baraja la posibilidad de que existan diferencias entre los dos concejales socialistas. [...] Con la dimisión de Tallón se incorporará Sandra Riveiro Carro, de Cacheiras y estudiante de Xeografía e Historia.

La Voz, 3 de junio del 2006

Germán Conde abandona el PSOE y la Corporación de Teo
La dimisión de Germán Conde es la segunda que afecta directamente al grupo socialista, después de que Manuel Tallón Mesías, anterior portavoz del grupo en la pasada legislatura y que ocupaba el número dos al comienzo del presente ejercicio
político, hiciese oficial su decisión el pasado 3 de junio. Tallón, que también
argumentó motivos personales cuando abandonó el grupo, fue sustituido por Sandra Riveiro.

El Correo Gallego, 20.12.2006

El PSOE de Teo quiere medio gobierno
La reunión celebrada el pasado viernes en el hotel Los Tilos ha vuelto a levantar ampollas en un sector de los socialistas de Teo. La llamada para la "xuntanza, con carácter extraordinario" convocada por José Manuel Elías Noya, secretario local de organización, no llegó a todos los militantes, sobre todo los socialistas del sector crítico con Jano Leis.
"Incomprensiblemente no me invitaron ni a mí ni a muchos militantes históricos", aseguró ayer Manuel Tallón, uno de los excluidos de la convocatoria.
A la reunión asistieron medio centenar de personas, entre militantes, simpatizantes y candidatos, que rechazaron la dimisión de Jano Leis. Responsabilizaron del fracaso electoral (el PSOE mantiene los mismos ediles que en 2003) a los socialistas históricos y a algún sector de la prensa.

"El pueblo es sabio y puso a cada uno en su sitio", decía ayer Tallón.

El PSOE de Teo no hace declaraciones a este periódico "por mandato de la asamblea", según aseguró Jano Leis .

El Correo Gallego, 03.06.2007

viernes, 11 de abril de 2008

COMIC


Un colaborador nos envía este comic.

Premede encima para velo ampliado.

Moitas grazas, Pope!


domingo, 30 de marzo de 2008

O futuro político de Teo: falan os astros

Aquí temos, por fin, a exclusiva prometida. Esta vez en desbloquearTeo fixemos un grande esforzo para poder ofrecervos a información que estades a punto de ler.

Contactamos cunha vidente de Teo (Belisama) para coñecer o que din os astros dos tres políticos máis representativos do Concello, lido a través dunha tirada de Tarot. Reunidos con ela, só lle aportamos uns datos sobre a ocupación política de cada un deles; o resto fíxoo ela.

Aportamos fotografías das tiradas reais que nos fixo para cada un, e a súa interpretación, totalmente allea a contaminacións e opinións subxectivas. A nós resultounos sorprendentes algunhas das revelacións. Aí van.


Noriega:

Esta persoa comeza unha nova andaina. Así o reflexa a carta do mago que significa o comezo de algo novo, dunha etapa na súa vida que marca un punto e aparte no seu pasado. O mundo (2ª carta) mostra unha época de esplendor, de victoria, que sen dúbida lle pasará factura pois a terceira carta dime que esta persoa vai entrar nunha época de pensamentos profundos, de reflexión sobre o seu estado. Seguramente en algunha ocasión vai botar de menos a súa vida pasada. O futuro a longo plazo tráelle máis dun quebradeiro de cabeza que o sumirá nun estado de soidade que desde logo influirá na súa profesión actual.


Jano Leis:

Este home non deixa de pensar naqueles maravillosos anos . Trata de encontrar unha explicación á situación na que se atopa neste momento, cando todo lle era favorable no pasado: en qué puido equivocarse.
O futuro a corto plazo non lle traerá grandes sobresaltos. Pouco a pouco asumirá a situación actual e collerá novos folgos para comezar unha nova etapa.
O xuizo da xente (4º carta) seralle favorable e asumirá unha nova época na súa vida con forza, sabendo que, por fin, a xustiza existe. Estes arcanos mostran que esta persoa vai asumir un cargo importante no seu futuro.


Armando Blanco:

Armando Blanco síntese forte. Ten unha grande confianza en sí mesmo. Vive un pouco no pasado sen decatarse da situación na que se atopa.
Mostra a unha persoa optimista no seu futuro, pero á vez vexo, segundo a posición das cartas, que non ten os pés na terra e co tempo darase de conta de que a súa situación é caótica na faceta política.

viernes, 28 de marzo de 2008

¡Exclusiva sobre o futuro do Concello!

O equipo de DesbloquearTeo na súa liña de ofrecer información que non se publica noutros medios, e grazas esta vez á contratación de expertos, prepara unha exclusiva na que se desvelarán datos que serán claves para adiantar cal será o futuro político dos membros do Concello: Noriega, Leis e Blanco.

Os datos, nunca antes vistos, esta misma tarde.

GALESCOLAS

Extracto do blog socialista:


5.- Moción de Urxencia de Parajó: construcción dunha "gardería" nun solar municipal da urbanización "Augas Mansas".
PP e PSOE apoiamos esta moción sempre e cando esa nova escola infantil quedara baixo titularidade municipal.
[...] Martiño Noriega e o seu goberno introducen unha enmenda para que o pleno ceda esa parcela a Vicepresidencia da Xunta para construir unha galescola. PP, PSOE e INTEO [...] rexeitamos a enmenda do Goberno municipal.
O alcalde Martiño Noriega deixou ben claro que se se aprobaba a sua enmenda executaría o acordo plenario, pero se non era así non o respectaría porque considera que iso é unha "competencia exclusiva do alcalde". ¿A isto, cómo se lle chama?: ¿"talante democrático" ou "fariseísmo"?



Hai tres puntos que consideramos importantes aquí.

1. Tema da galescola, que non deixa de ser unha gardería. E Teo precisa de garderías. E se a Xunta nos fai unha, aforrándolle os cartos ao Concello, ¿cal é o problema? ¿O problema é que é unha galescola? Por Deus, señores do PP e do PSOE... que son nenos de 3 anos... que por moito que lles intenten meter ideas na cabeza son nenos e nenas...

2. Sorprendidos quedamos do labor de Parájó: o chanzo máis débil da cadea foi o único que propuxo algo e ademáis de especial importancia para os veciños. O resto da oposición debería de tomar nota.

3. Por último, en DesBloquearTeo queremos iso, "desbloquear". Neste caso, apoiamos ao alcalde na súa postura de "competencia exclusiva do alcalde". Se esa é a única vía para poder levar adiante proxectos, estamos con el. Queda dito.

viernes, 14 de marzo de 2008

Pegatas de DesbloquearTeo


Fai click na imaxe para vela en maior tamaño.

Descarga e difunde a mensaxe: desbloquearteo xa!




miércoles, 12 de marzo de 2008

Nos toman por parvos ou que?

Os números non minten pero no Blog dos Socialistas de Teo non parece que vexan os mesmos datos que vemos nós. Vexamos algunhas incoherencias, pero lembremos os resultados primeiro.

  • Candidatura - 2008 / 2004
    PP
    4.955 votos 43.93 % - 4988 46.95 %
    PSOE 3.916 votos 34.72 % - 3688 34.72 %
    BNG 1.879 votos 16.66 % - 1389 13.08 %

E agora vexamos o que din no blog socialista...

"MAGNÍFICO RESULTADO DOS SOCIALISTAS EN TEO"
Vamos, se entendemos por magnífico quedar como estabamos... ¿pensaban entón que ían a ter peores resultados? ¿Por qué?

"o Partido Socialista consolídase como principal alternativa e acorta distancias respecto do Partido Popular"
Claro, a costa de que o PP baixa en porcentaxe e a que hai uns 500 novos votos máis do Bloque. Ou sexa, mérito do PP, non do PSOE.

"o BNG non consigue rendabilizar a sua actuación no goberno municipal"
Algo sí que rendabilizaron cando conseguiron subir respecto hai 4 anos.


"a sociedade civil de Teo, aínda que reforza o esquema bipartidista imperante en España, reflicte asi mesmo unha grande pluralidade de opcións e en calquera caso expresa unha tendencia moi minoritaria do nacionalismo (pouco máis do 16% de apoios)"
Pois nas munipais non pasou iso! ¿É necesario poñer de novo os datos? Pois aí van:

  • BNG 3.654 /33,62% /6
  • PP 3.251/29,91%/6
  • PSdeG-PSOE 2.535/23,33%/4
¿Opción minoritaria a do BNG? Nas municipais, desde logo, non. Rotundamente.
Neste caso, a opción minoritaria sería a do PSOE...

E por certo, a expresión "pouco máis do 16% de apoios" é claramente despectiva. Porque o 16.66% claramente está máis cerca dun 17% que pouco máis que un 16%. ¿Xa olvidamos as matemáticas da ESO? Repasen o tema do redondeo.

A non materialización dun goberno de progreso pode pasar factura no horizonte inmediato.
Unha frase moi bonita. Pero nós pensabamos que era o PP o que nos metía o medo no corpo...

E xa non comentamos nada máis... por hoxe.

P.D. ¿Entendedes agora o título desta entrada?

lunes, 10 de marzo de 2008

Forges, sempre xenial...


Resultados Eleccións Xerais en Teo

Candidatura - 2008 / 2004
PP 4.955 votos 43.93 % - 4988 46.95 %
PSOE 3.916 votos 34.72 % - 3688 34.72 %
BNG 1.879 votos 16.66 % - 1389 13.08 %

PP perde un pouco de fuelle, o PSOE queda estático (iguala por centésismas, é incriible!!) e o BNG sube grazas ó aumento espectacular de votantes... seguramente son a nova xeración de xoves que se instalaron no Concello (nas novas zonas residenciais).

Pero comparado coas últimas municipais, ¿que pasou cos votos do BNG? Nas munipais arrasaron, pero nas xerais descenderon á metade. É lóxico, nas munipais votaron a unha persoa, non a un partido.

Eleccións Municipais 2007
Candidaturas /Votos /%/Concejales
BNG 3.654 /33,62% /6
PP 3.251/29,91%/6
PSdeG-PSOE 2.535/23,33%/4
IN TEO 820/7,55%/1
TEGA 4183,85%/ 0

jueves, 6 de marzo de 2008

El elevado coste del servicio del refugio canino de Bando levanta malestar entre alcaldes de la comarca

Nova de El Correo gallego (ler noticia aqui):

El refugio de Bando costó 30.000 € a cinco concellos en sólo cuatro meses.

En el último cuatrimestre, en los ayuntamientos de Ames, Brión, Boqueixón, Teo y Vedra se recogieron 71 animales. Los alcaldes no cuestionan el servicio pero piden que se involucre la Consellería de Medio Ambiente. [...]
El elevado coste del servicio mancomunado de recogida de perros al refugio canino de Bando ha vuelto a levantar cierto malestar entre alcaldes de la comarca. [...]
Los ayuntamientos de Ames, Brión, Teo, Boqueixón y Vedra trasladaron a las instalaciones de Bando un total de 71 animales abandonados entre septiembre y diciembre de 2007 (32,5 euros por cada animal). [...] Le sigue el Concello de Teo con una cuota de 8.534 euros más los 684 correspondientes a los perros recogidos.
Al hilo de estas cifras, ya son varios los alcaldes que han mostrado su malestar por la carestía del servicio. El regidor de Teo, Martiño Noriega, que en todo momento coincidió con la política de custodia y cuidado de los animales llevada a cabo por el refugio, señalaba ayer que en la última de las reuniones celebradas por los miembros del consorcio que gestiona las instalaciones, propuso que la Consellería de Medio Ambiente entre de una forma más activa en la financiación del servicio, que se ubica en Santiago.
En los mismos términos se expresó el alcalde de Brión, José Luis García, que insistió en la necesidad y en la conveniencia del servicio, aunque señaló que los alcaldes coinciden en que "hay que abaratarlo, ya que se hace muy cuesta arriba para los municipios".


O Refuxio de animais é necesario. ¿É un servizo caro? ¿35 EUR pola vida dun animal é un gasto excesivo? ¿Deberiamos contar en Teo cun Refuxio propio? ¿Cal é a vosa postura?

jueves, 28 de febrero de 2008

E axiña, outro escándalo no Concello de Teo

Como vedes, volvemos a retoma-lo rumbo inicial desde Blog facéndonos eco de temas que interesan aos veciños.
Axiña contaremos con datos (e fotografías) dun escándalo que demostra a actitude do Concello cos seus veciños. Tralo caso dos veciños de Os Verxeles, agora súmase un novo colectivo ninguneado polo concello. Axiña... e desta vez, con datos que publicaremos.

Sede de Correos en Cacheiras nun baixo sen licenza...

Este tema xa colea desde o anterior governo. Resulta que a nova sede de Correos en Cacheiras (na curva mesma onde está a sede local do PSOE) está nun baixo sen licenza. Ao parecer, parte do edificio segue sen licenza.
O asunto non está moi claro, pero seica anda o Sr. Parajó polo medio, xa que ten parte dos locais e algunha planta do edificio. Pero ese non é o caso, senón que desde o anterior governo se permitiu esa ubicación para a sede de Correos a sabendas de que non ía contar coa licenza correspondente. Pero se pasamos por álí, podemos ver que a obra xa está case rematada e na fachada locen os rótulos de Correos.
¿Que sabe o Concello do asunto? Amigos socialistas que nos ledes, ¿podedes aportar máis datos? ¿Abrirá Correos de forma ilegal?...

Pleno ordinario do mércores: sube o tono

Seica no pleno ordinario do mércores subiu aínda máis o tono de crispación entre os grupos; desta vez, tamén o PP estivo forte.
Xa o dicían na Cadena Ser: que xa estamos acostumbrados a que cada mes haxa un espectáculo nos plenos de Teo.
Non cremos que esto beneficie para nada ao Concello; os plenos son para traballar polos veciños e non son un campo de batalla político. Para iso, que se reúnan en calquera sitio a debatir as súas diferencias e gasten o tempo dos plenos a debatir os problemas dos veciños, que para iso os eliximos.

miércoles, 27 de febrero de 2008

Pleno sobre o estado da "nación" de Teo. ¡Houbo "movida"!


Sieca houbo "movida" no pleno do martes. Esta mesma tarde, na cadena Ser, puxeron os mellores momentos, que se poden resumir en que a Martiño as opinións de Jano Leis lle agreden. As críticas dos outros grupos, non; pero non sabe qué lle pasa, pero con Jano é diferente...

Pero o protagonista da noite foi, sen dúbida, o sr. Manuel Rama (Canteiro e concelleiro) quen non ocultou a súa indignación e, dando incluso golpes na mesa, puxo ao alcalde no seu sitio.
Lástima de non ter a grabación do pleno e, moito mellor, o vídeo. A ver se no blog socialista sacan algún audio. ¿Haberá que pedirlle o audio a un tal Elías a quen fan referencia nalgún comentario por aí?...

lunes, 25 de febrero de 2008

Xente impresentable haina en todo lados

Parece que se nos pega a xente impresentable que só ten o insulto como único argumento.
Por suposto, non podemos tolerar insultos, non é a primeira vez que o temos dito.

Esta clase de actitude non leva a ningunha parte. É unha pena que se perda tanto "potencial" de xente que non ten argumentos nin nada. A esta xente, desde logo, non lles importa nada o concello nin moito menos os veciños.

Pios a nós si que nos importa o concello, porque somos veciño/as e queremos, no fondo, unha mellor calidade de vida. Porque para nós, Teo é e será o mellor concello do mundo, o noso fogar, esté quen esté governando. E por iso loitamos, denunciando o que cremos ten que cambiar ou mellorar, para que o siga sendo.

Actitude ¿prepotente? do alcalde Noriega

E como aquí hai para todos (para o PP non hai nada porque en Teo andan desaparecidos nestas eleccións), nos comentan unha pequena anéctoda que reflicte o caracter "altivo" do alcalde.

Foi no mitin do BNG o pasado venres, con Beiras como invitado especial. Ao finalizar o mesmo, quedou un pequeno grupo do BNG xunto co alcalde no restaurante do mitin, no que había máis xente (veciños de Teo) tomando algo. O detalle foi que ao marchar, o alcalde nin se dignou a saudar aos que alí estaban, amosando unha atitude de señorito ou de divo que nada ten que ver coa imaxe que intentaba transmitir antes das eleccións.

¿É esta a actitude da que tanto están a falar os socialistas? Pois vai ser que van ter razón...

Reprimenda de Ceferino Díaz a Jano Leis


Chegou aos nosos oídos esta anécdota que vos transmitimos.

Acontenceu no pasado mitin do PSOE en Montouto. Ceferino Díaz (deputado do PSOE no Congreso dos Madrides), falando dos logros socialistas en España e máis en concreto en Galicia, comentaba do pacto chegado entre o PSOE e o BNG a nivel autonómico polo cal este último aprobaba os orzamentos da Xunta se había pacto local, é dicir, gobernar xuntos PSOE-BNG nos concellos.

Por iso, non entendía o que pasa en Teo, por que non existe tal pacto... co cal invitou a Jano a unha reunión para que llo "explicase"... En fin, pódese entender como unha reprimenda pública en toda regla.



viernes, 22 de febrero de 2008

Unha visión soibre a pegada de carteis

Reflectimos aquí parte dun comentario enviado polo noso colaborador Calandracas sobre a xornada de onte da pegada de carteis.

Es la noche. Mi amargo paseo nocturno entre esa penumbra, ya ni iluminada ni ensuciada por la mísera y ambruyente caída del pasado eclipse, me ha dejado, eso si, ver la primera caída de carteles.
[...]
Tensión. Cola. Tensión, cola... poco a poco.
[...]
La noche es larga. Muy larga. Demasiado larga. Ya no se distingue bajo las farolas a esos humanos, esos carteles, llenos de vida, quizás, poca vida, mas bien inertes, solapados por una sola esperanza, por un mismo fruto de ilusión que cada uno de ellos pone cuando sus brazos suben y bajan al son del ruido, el mínimo [...]
[...]
Así son ellos. Allí estaban ellos. Esta noche los he visto. Los he observado, en grupo. Solos.
[...]
Las manos llenas de cola, los carteles bajo los brazos, a las órdenes de ser fijados como se fija un rayo de sol sobre la piel tensa de un día de invierno, un rayo bajo, muy intenso que puede llegar a dejarme huella ante la más mínima destreza de mis poros incrustados en la amarga bajeza de la piel. Así se sienten ellos. Ahora, así me siento yo. Y tú... ¿te has parado a pensar? No.



Pegada de carteis: Un reflexo da política municipal

Hoxe pola mañá podiamos ver os cutre-paneis para a pegada de carteis, divididos nas catro porcións para PSOE, PP, InTeo e BNG. Sen embargo, todas estaban baleiras a excepción das do PSOE, que nalgúns sitios estaban a tope de carteis (no panel enfrente do Concello, non sabemos doutros sitios aínda).
Do cal se pode inferir cal é o grupo municipal que traballa neste concello. Está claro, ¿non?
Nos comentan que o Sr. Jano andivo de imaxinaria ata as 2 e media da madrugada... Iso si que é adicación á causa... outros deberían de tomar nota.

Por favor, agora non nos bombardeen con comentarios de si somos sicarios de Jano Leis e patatín, patatán... O que comentamos é un feito obxectivo; non hai máis que saír a rúa a comprobalo.

NOTA: Debemos ser xustos na crítica e desculpar ó grupo do PP debido ao falecemento da nai de Armando Blanco, onte mesmo.

lunes, 18 de febrero de 2008

Insultos non. Isto parece o patio do colexio.

Isto estase a converter no patio do colexio. Non toleramos os insultos e non queremos exercer a censura, pero contra os insultos, non cremos que sexa censura suprimir certos comentarios.

En breve voltaremos a traer novas interesantes e empezaremos a nova etapa, que chamaremos de control do concello. Agora que xa temos orzamentos aprobados, é a nosa obriga (e sobretodo a da oposición) facer o seguimento das actuacións.

Desde aquí seguimos coa nosa teima: A páxina web do concello prometida e comprometida hai meses, aínda non ten prazo. Teremos que preguntar de novo a Anxo Quintana polo asunto; ante unas elecións, non queda moi ben parado o BNG ante as súas promesas.

miércoles, 13 de febrero de 2008

¿Volven os pitufos mentirosos? As mentiras ou contradicións do BNG respecto do pacto co PSOE

Non hai máis que botar unha ollada á prensa, aceder ás hemerotecas e contrastar datos dunha e outra parte, para darse de conta das contradicións (¿ou mentiras?) do BNG ao respecto do pacto político co PSOE.

Aquí só mostraremos un caso, con estractos obtidos das 3 partes implicadas: BNG, PSOE e prensa. A ver quen dí a verdade... (todos o sabemos, non é moi difícil).
1º.- No seu boletín, Martiño dice que "veuse na necesidade de enfrontar en solitario [...]".
Pero resulta que non se presentou cando o PSOE quixo negociar con eles.


BLOQUE TEo, num 24, xaneiro 2008


2º.- Logo, no pleno (ver a nova aparecida en La Voz) di Rafa Sisto que "temos un problema particular con vos" e que había vontade de dialogo. Pero iso non é certo, xa que realmente non querían falar.


3º.- E para rematar, o día despois do pleno, Martiño di, en entrevista na SER, que non quere pacto de goberno, segundo comentaban no Blog socialista:


Demasiadas contradicións...
¿Quen governa en Teo: Martiño Noriega ou Rafa Sisto? ¿Ou serán ordes superiores, ou sexa, o mandamáis Quin?

lunes, 11 de febrero de 2008

Aclaración: DesbloquearTeo non apoia a partidos políticos

O equipo de DesbloquearTeo non apoiamos a ningún partido político. Unicamente queremos un concello dinámico e funcional, con ancorado en disputas políticas e de caracter persoal.
Por iso, nin estamos en contra do BNG, nin a favor do PSOE, nin do PP nin doutro partido. Non nos metades en ningún saco e non atoparedes contradicións na nosa postura.

Trala aprobación dos orzamentos ábrese unha nova etapa no Concello. Agora está posta a carne no asador e hai que esperar a que se coza ben ou se queime. O tempo o dirá.

viernes, 8 de febrero de 2008

É hora de deixar governar á alternativa, ou sexa, ao BNG de Teo

Xa é hora de que se deixe governar á alternativa votada polos veciños de Teo. Non esquezamos o xiro político alcanzado nas eleccións, pasando da case maioría absoluta do PP (coa axuda de Inteo) á maioría do BNG. O PSOE, desta volta, manténdose ahí.

¿Non é hora de deixar governar ao Bloque a pesar de que non esteamos dacordo ao 100% cos orzamentos? Acaso se houbera pacto BNG-PSOE eses orzamentos xa serían válidos para o PSOE?

¿Cal é o problema: os orzamentos ou a rivalidade Martiño-Leis? ¿Estamos antepoñendo esa rivalidade persoal a un proxecto de futuro para Teo?

A nosa proposta, desde este humilde curruncho virtual é clara: deixemos governar á forza política máis votada. A ver qué tal o fan. Igual non é tan fiero o lobo como o pintan. Ou igual sí...

jueves, 7 de febrero de 2008

Oposición de Teo... "El perro del hortelano"?...


Xa sabedes o refrán... "El perro del hortelano, ni come ni deja comer".
Tal é a pinta que ten a oposición en Teo. Que si agora pacto, que si agora non. Que se isto está mal, que se isto está ben... A ver si nos aclaramos.

Que agora seica hai vontade de diálogo por parte do PSOE pero é agora o BNG o que non quere dialogar, xusto o contrario de hai uns días. ¿Pero estamos de cachondeo ou que?

¿A que andamos a xogar? Pois andamos a xogar co pobo de Teo, nin máis nin menos.

"Non teño nin idea", Emilio Touriño, presidente da Xunta de Galicia


Esta foi a resposta dada por Emilio Touriño a unha pregunta sobre a situación do concello de Teo, en concreto sobre o pacto do BNG co PSOE (escoitado hoxe nas radios).
Sen comentarios...

Xa empezamos a estar fartos de tanta política


Desde o debate dos orzamentos do Concello, aquí (os veciños de Teo) seguimos sin saber nada, desde ningunha das partes e menos da alcaldía, dos planes de actuación para este ano.
¿Que é o que se vai facer cos cartos? ¿Que actuacións se levarán a cabo? ¿Onde? ¿Cando? ¿Quen?

Xa estamos fartos de tanto debate político e posibles pactos. Queremos un concello que funcione, ben ou mal, pero que funcione. Queremos feitos e non palabras.
Cremos que é o momento de que desde a oposición se termine co bloqueo continuo ó alcalde, remantanto coas teimas persoais e deixando actuar ós grupos políticos.

A nosa postura é clara: se non hai acordo, deixemos actuar ó governo do BNG cos orzamentos propostos, que tampouco serán tan malos como os pintan. É o único xeito de que este concello poida traballar.