jueves, 31 de marzo de 2011

O entorno da Burga, abandonado polo Concello

O pasado fin de semana, o aspecto que presentaba o accesó á Burga en Pontevea, era o que se mostra na imaxe. E iso que desde o Concello nos venden que a Burga é un dos lugares ao que lle fixeron un lavado de cara. A imaxe demostra o abandono deste lugar por parte do Concello; ademáis do aspecto de abandono, é importante sinalar a falta de seguridade porque sinalizar un paso cortado cun sinal de tráfico tirado... non é que sexa moi seguro.

lunes, 28 de marzo de 2011

Video promocional PP de Teo... ¡sen palabras!

Quedamos sen palabras para calificar este vídeo promocional do PP de Teo. Para quen dubidaba da capaciade de comunicación de Guerra, aquí temos a demostración de cómo a cámara "quere" a este home. Un vídeo que non esperabamos e que nos encanta!
Este Guerra está a dar un xogo que non esperabamos! Nós estamos encantado con este tipo de iniciativas. A ver se os outros copian e animan un pouco estas eleccións.




Nota: O vídeo está dispoñible desde o perfil Facebook de Guerra, pero como non sabemos enlazalo, permitímonos copialo en YouTube para compartilo.  

domingo, 27 de marzo de 2011

Guerra volve á carga contra Martiño

Este Guerra cada vez nos gusta máis! O que pensaba que non ía dar moito xogo equivocouse, desta vez, e moi crecido tralo acto con Feijoo este venres, lanza un dardo directo contra o alcalde Martiño (non o dí directamente pero está claro a quen se refire):
"Nós estamos a traballar duramente na rúa cos veciños e non paseando por pratós."
(Publicado no Facebook de JM Guerra)

Confirmado: Armando Blanco non se presenta á alcaldía

Aínda que tivo intención de presentarse, con partido (Avite) xa inscrito, ao final Armando non se presentará ás eleccións.
Non tiña moito máis que facer, cando non se sentía respaldado polos votantes do PP, que ven en Guerra unha renovación, algo como o caso Feijoo-Fraga, pero no eido local.

E agora un par de rumores sobre Armando, e o por qué da súa decisión:

1. Abandona porque non se sinte apoiado polo partido e a súa presenza cun partido independente, que divida votos, perxudicaría á aposta case persoal do presidente Feijoo. E como Armando vive polo partido, non quere perxudicalo... Si alguén cre isto, bendito sexa! O rumor dí que a Armando se lle prometeu algún cargo de "importancia" ben no partido ou na Xunta. Fagan apostas... nós xa temos algunha idea de qué cargo se podería tratar.
2. Abandona porque o seu partido non tiña trazas de prosperar. Non ten xente de confianza e seguidores para ir nas listas e tamén hai que pensar que un partido e unha campaña electoral, para ser exactos, requiren de diñeiro. E nestes momentos non están as cousas para tira-los cartos en festas, romerías, invitacións, carteis, etc.

De xeito que agora quedan catro partidos para disputa-las eleccións: BNG, PSOE, PP e InTeo. E deste último, que parece que aínda non se sabe nada, podemos esperar calquera cousa... xa veredes, prometemos novidades.

jueves, 24 de marzo de 2011

Guerra: "[O alcalde Martiño] ten unha actitude infantil e desleal"

Comenta o sr. Guerra, lembremos que é o candidato á alcaldía de Teo polo PP, comentando o tema do abastacemento da auga no Concello, que "o abastecemento de auga é un dos servizos obrigatorios que ten que prestar un concello, polo que me parece un pouquiño infantil esconderse agora detrás da Xunta cando a culpa de que os veciños de Teo non teñan auga municipal nos seus fogares é exclusivamente súa."

E continua coas críticas á xestión municipal explicando que "o concellode Teo pasa de xestionar os servizos básicos para os veciños. Mentres o alcalde se entretén declarando a Teo como un concello libre de touradas e outras ocorrencias demagóxicas, durante os dous últimos anos (2009-2010) o goberno municipal só utilizou para ampliar a rede municipal de auga potable un mísero 2,61% dos case 8 millóns de euros que pasaron pola mesa de contratación do concello."

Mañá un par de perliñas máis deste estilo. ¿Non vos diciamos que vos iades sorprender?

miércoles, 23 de marzo de 2011

O candidato do PP, J. M. Guerra, carga contra o BNG de Teo e o alcalde

Se onte viamos como no bloque apuntaban "fino" contra do sr. Guerra, candidato polo PP á alcaldía de Teo, agora tócalle o turno ás opinións que Guerra verte sobre o Bloque de Teo e o seu alcalde. Iremos dosificando estas "perlas" porque todas xuntas se nos atragantarían, non é para menos.

Quen pensara que o sr. Guerra é un monicreque ao servizo doutros, que non se equivoquen. O Sr. Guerra veu para quedarse en Teo e, polo tanto, tal cal elefante nunha cacharrería, así entrará; o que se saberá o 22M será se esa entrada triunfal será pola porta grande.

martes, 22 de marzo de 2011

O que o BNG de Teo, con Martiño á cabeza, dí dos seus adversarios políticos

O que onte publicamos non é máis que unha interpretación que fixemos do que o Bloque, con Martiño Noriega á cabeza, sacou publicado no seu boletín informativo. Aquí poñemos o texto íntegro e que cada un saque as súas conclusións e nos diga quen se "pasa" máis: este modesto blog ou todo un grupo político co seu alcalde á cabeza:

A que político local lle chaman O Cuñaoooo!!!
Queremos oilo falar xa!!! Alguén pensa que é capaz
de articular
un discurso como o que lle escriben para
os espazos de propaganda pagada, simulando entrevistas?
Xa hai quen fai apostas!

 E sobre o pacto PP-PSOE, todo o que nós dixemos é o que o Bloque publica de forma oficial:

Hai xente no PSOE que pide o voto para o BNG de
Teo, como única garantía de goberno de progreso, xa
que os votos a Jano Leis poderían ir a un goberno de
coalición con PP (armando blanco) e PP (bis) Guerra.
Non o dicimos nos, pero vendo as actuacións do referido
individuo nos plenos, a verdade é que pouca
dubida queda
.

Non hai máis comentarios.

O discurso do... alcaldable

 Temos un candidato que seica non sabe falar, ben porque non ten cualidades oratarias ou ben porque lle faltan argumentos. E a pesar destas carencias, o tipo vai e concede entrevistas a esgalla en xornais e en radio, organiza actos por doquier, fala cos veciños, etc.
Nos mentideiros din que as entrevistas non son tal, senón espazos de publicidade "ben pagada". E ao parecer a súa última aparición na radio foi de chiste...
Tal deben ser os despropósitos que xa hai ata quen dubida das súas capacidades, non sabemos se físicas ou mentais...

Posible pacto entre PP e PSOE de Teo

Para gobernar, ¿todo vale? Se os rumores son certos, Jano Leis estaría pensando seriamente en aliarse co PP, tanto o "oficial" de Guerra coma o "oficioso" de Armando, con tal de gobernar en Teo. O cal resultaría un goberno de... ¿esquerda?¿dereita?¿centro?¿de contra un lado?
E despois se extrañan de que os propios militantes pidan o voto para o bloque... ao final, serán os que mellor representan á ideoloxía de esquerdas...

A batalla polas eleccións empeza xa, e teremos sorpresas

A xa xusto dous meses das eleccións, aínda a cousa non está moi animada. Non vos preocupedes, que pola nosa parte temos moita información que ofrecervos. Algunha será moi xugosa, outras divertidas, e haberá algunha que outra sorpresa, que ninguén esperará... e que outros temerán... Prometemos que sairán publicadas informacións que non deixarán indiferentes a ninguén. E para empezar, unha entrada sobre o pacto PP-PSOE de Teo. ¿Non é sorprendente?

viernes, 18 de marzo de 2011

¡Non á guerra! Os socialistas métennos na Guerra... ¿Outro Irak?


As cousas pintan moi mal... Os socialistas métennos na Guerra... ¿Outro Irak?

Zapatero confirma la participación española en la intervención militar en Libia 
La Voz de Galicia

España se sumará con bases y medios militares al despliegue de la OTAN contra Gadafi
La Vanguardia


Zapatero confirma que España participará en el ataque a Libia
La Razón

Zapatero anuncia que España participará en el ataque a Gadafi
El Mundo

Zapatero: "La comunidad internacional no se va a dejar engañar por Gadafi"

Zapatero confirma la participación española: "Gadafi no nos engañará"
El País

Zapatero afirma que España hará "una contribución importante" en la operación contra Gadafi
El Correo Gallego


El Periódico

Zapatero advierte de que "se verificará el cumplimiento estricto de la resolución" 
ElPlural.com

España aportará barcos y aviones a la operación internacional en Libia20minutos

España envía el submarino 'Mistral' a zonas próximas a Libia
El Periódico de Aragón

España pide apoyar ya la intervención en Libia para no dejar solo a su pueblo
Telemadrid

El embajador libio en España regresa a su país sin condenar la represión de Gadafi
El Mundo


Libia: España pondrá a disposición de la OTAN las bases militares de Rota y Morán
El Economista



E logo aparecen novas como ¿os socialistas xogan con nós? Isto é máis serio que os 110 km/h:

España vendió material de Defensa a Libia por valor de 6,9 millones de euros

Armas a Libia...hasta el último momento


El gobierno de Zapatero vendió armas a Libia violando la ley española

miércoles, 16 de marzo de 2011

¿Están a ser efectivos os controis policiais en Teo?

Tal e como apuntábamos, desde hai semanas nótase unha presenza da Garda Civil por tódolos lugares de Teo. Moitas veces aparecen controis "sorpresa" de alcol en calquera pista e a calquera hora (xa dixemos que non desvelaremos lugares que coñecemos e nos ides comentando) ee tamén xa comentamos por aquí algunhas actuacións da Garda Civil con coches patrulla camuflados.
Polo que se vé, o tema da seguridade estase a traballar en serio, non sen tempo, desde logo. A todo isto temos que engadir unha boa nova que saía hoxe nos xornais: a detención de dous homes que actuaron en Teo. Este é a liña que se debe seguir e a que hai tanto tempo viñamos demandando.

Detenidos dos hombres que robaron a una mujer en su casa de Teo tras maniatarla

martes, 15 de marzo de 2011

Por fin retirarán os andamios de Pontevea

Nin que escoitaran a nosa denuncia (Lixo no ría Ulla ao seu paso por Pontevea).
Parece que os alcades de Teo e A Estrada esixen á Xunta a retirada dos andamios que hai en Pontevea, non é sin tempo... A ver si é verdade.