Nalgúns medios fálase de que esta reducción o que fará será fomentar o bipartidismo e eliminar ás forzas pequenas. Para comprobar isto, fixemos unha simulación cos resultados do ano 2011 en Teo para saber, con esta reducción, cómo quedaría o número de concelleiro/as no Concello.
Imos por partes. A Teo, polo seu número de habitantes, correspóndelle 17 concelleiros. Coa reducción do 30% serían 11 concelleiros (feita a conta, axustamos ao número impar máis próximo).
Os resultados no ano 2011 foron estes:
Ano 2011. Total votos: 10501
Partido | VOTOS | % | Concelleiro/as |
BNG | 4740 | 45,14% | 9 |
PP | 3607 | 34,35% | 6 |
PSOE | 877 | 8,35% | 1 |
InTeo | 797 | 7,59% | 1 |
Se facemos a simulación con estes mesms datos, e aplicando a Lei d'Hont, obteríamos esta distribución:
Partido | VOTOS | % | Concelleiro/as |
BNG | 4740 | 45,14% | 5 |
PP | 3607 | 34,35% | 4 |
PSOE | 877 | 8,35% | 1 |
InTeo | 797 | 7,59% | 1 |
Como vemos, cambia bastante a situación no sentido de que o BNG perdería a maioría absoluta e os dos partidos minoritarios: PSOE e InTeo manterían os seus concelleiros, pero con máis forza se cabe; lembremos que isto sería mantendo o mesmo número de votos.
Esta simulación vota por terra os argumentos dalgúns medios sobre a perda de representividade dos grupos pequenos. Realmente, a reducción de partidos prodúcese cando nun concello existen moitas forzas pequenas, pero nun concello como Teo onde só se presentan 4 grupos, o que se fai é dar maior peso a eses grupos.
Para as próximas eleccións a cousa será moi interesante xa que está prevista a entrada dun novo grupo, a do actual alcalde, que se podría chamar Novo Proxecto Común (NPC), aínda que, como xa vos imos adiantar, posiblemente non será Martiño o candidato, pero esa é outra historia... O caso que nos ocupa é que con ese novo partido sí que podería haber cambios. Cómo sabelo? Fixemos unha nova simulación. Imaxinemos que os votantes do BNG se dividen a partes iguales entre BNG e NPC (imos poñer un voto máis a BNG para evitar empates). Nese caso, a distribución de votos e concelleiros sería así:
Partido | VOTOS | % | Concelleiro/as |
PP | 3607 | 34,35% | 4 |
BNG | 2371 | 22,58% | 3 |
NPC | 2369 | 22,56% | 2 |
PSOE | 877 | 8,35% | 1 |
InTeo | 797 | 7,59% | 1 |
Aínda que parezan os mesmos resultados, neste caso a presenza de InTeo depende de moi poucos votos (con varios votos máis a calquera das outras forzas, xa estaría fóra), e a diferencia entre BNG e NPC é debido a ese voto que lle puxemos para evitar empates. Polo tanto, a inclusión dun novo partido o que fará será mermar as posibilidades de representación dos grupos pequenos.
E para a próxima analizaremos o recorte anunciado por Rajoy e do que os medios non se fixeron eco a pesar da súa importancia económica, e que atinxe aos concellos.
No hay comentarios:
Publicar un comentario