Prediccións para o 20N

Un domingo de outono, de chuvia, convértese no mellor escenario para consultar a unha vidente polo futuro dun país. Unha vez máis, e tralo éxito acadado nas pasadas eleccións locais, consultamos a unha taróloga polos próximos comicios do 20N. Sorprendentemente, o que nos contou non se parece moito ao que predicen as enquisas que están a saír ultimamente. Nós confiamos na nosa tarotista e vos adiantamos o que ocurrirá este 20N.

Francisco Jorquera (BNG)
Parte dun presente bastante bo e parece que ten bastantes oportunidades. Quizais saque bos resultados pero iso non lle quitará que se sinta fóra de lugar, como si a nova situación se lle quedara "grande", sen saber moi ben que facer ou como actuar.



Alfredo P. Rubalcaba
O pasado non lle axuda xa que procede dunha época dura, pero ten forza e ganas e avanza con decisión cara o futuro. Sobre a súa traxectoria profesional, o tarot lle augura que o 20N non será o seu final, senón só un cambio, un punto de inflexión. Seguriá traballando nunha nova etapa política da súa vida, non suporá unha ruptura definitiva coa política. De xeito que exercerá o seu papel na oposición.



Mariano Rajoy
Ten moita forza e interés, sabe que é a súa oportunidade e que vai a gañar. Pero aínda así haberá momentos nos que se sinta só a pesar de te-lo éxito de fronte. Sentirá que lle faltan apoios. O que nos fai deducir que non obterá maioría absoluta, o que resulta sorprendente.

Temporal en Teo

¿Alguén notou o pequeno temporal do sábado ás dez da noite? Houbo refachos de vento que superaron seguramente os 100 km/h nun lapso de tempo moi breve. Tras el, facendo unha ronda por Teo puidemos ver os efectos: ramas de árbores polas estradas, carteis electorais rachados e decolgados, as bandeiras do Gadis destrozadas, contenedores de lixo caídos, e na confluencia de Vilar de Calo con Milladoiro había una gran cantidade do que parecían placas de escaiola esparexidas pola estrada, grandes trozos que deberon caer dun tellado con tanta forza que ata torceron un semáforo.

WAKA-RUMOR: ¿Dará a "alternativa" a Martiño?

Homenaxe a Xosé Manuel Beiras pola súa "traxectoria ao servizo de Galicia".
Parece que o momento da sucesión está a chegar, pero ¿superará as barreiras internas que lle impediron ata o de agora entrar no núcleo o bloque?

 

En Teo non hai campaña electoral

Levantarse o venres tra-lo inicio da campaña e non ver carteis electorais pegados por Teo resultou moi estrano... e sintomático. Hoxe sábado hai moitos valados totalmente balerios a expepción dalgún cartel do BNG... e algunha pancarta do PSOE-Pérez.
¿Non hai ánimos, ou non hai ganas de traballar? ¿Onde quedan aquelas noites onde os militantes percorrían todo o Concello pegando carteis e sen durmir? ¿Que pasou con ese espírito democrático? ¿Xa non existe?
En Teo, desde logo, parece perdido... unha cousa é falar en reunións ao calor dunha estufa e outra moita distinta poñe-lo lombo e patearse o Concello.
Políticos de sillón é o que temos... pero, ¿merecémolos os veciños de Teo?

Policia Local: pola porta de atrás

Moitas veces temos comentado aquí que era habitual ver os coches da Policía Local, Protección Civil e ata o coche de Bombeiros do Concello, aparcados nas inmediacións da cafetería Che do Montouto, a primeira hora da tarde, normalmente, para tomar ese cafeciño...
Non sabemos si tivemos algo que ver, pero o caso é que hai tempo que xa non se fan ver por estes sitios, quizáis porque chamaban moito a atención. 

O caso é que este luns tivemos a oportunidade de observar un movemento estraño da Policía Local. Un coche patrulla, a ido das cinco da tarde, metíase na zona de aparcadoiro da cafetería Vabel (enfrente ao Che) e aparcaba detrás do edificio, non no aparcadoiro mesmo (onde agora se pon a famosa "pulpería" os sábados), senón detrás, totalmente agochado. E logo, dous axentes saían do coche e accedían á cafetería pola porta de detrás, dando a sensación de que toda a manobra está pensada para que ninguén os vexa.

¿Terán ordes de que non deben estar nas cafeterías de forma tan evidente como facían agora diante do Che? A cousa, desde logo, rara é. E nós só nos facemos eco dela para que nos deades as vosas opinións.

Waka-Rumor: ¿quen financiou a campaña do PP de Teo?

A campaña do PP de Teo estivo apoiada economicamente non só polo PP galego, senón que tivo máis apoios. Cóntannos que o propio Guerra gastou cartos do seu peto e ademais aparcería en escea unha coñecida empresa de Teo, moi relacionada coa Xunta... ¿un apoio económico interesado?

Coche da DGT e Policía Local ¿cometendo infraccións?

O que nos temiamos era certo; nas noticia pasada comentabamos que na foto do radar parecía que o coche da Policía Local e da DGT estaban estacionados nun carril da estrada.
Tivemos que ir ao lugar explicitamente para comproba-lo e nas fotos do lugar pódese ver claramente como hai un sinal de STOP e unhas liñas de sinalización de carril. E ata parece que está estacionado o mesmo coche negro que se víá nas fotos.
Polo tanto:

1. Tanto a Policía Local como o coche da DGT estaban estacioandos de forma incorrecta, ¿merecedores dunha multa? 
2. Para máis inri, ¡estacionados en sentido contrario á circulación!

¿Esta é a clase de comportamento que deberiamos esperar das forzas de seguridade? ¿Acaso poden campar ás súas anchas por onde lles peten?
E logo, con razón, o Sr. Parajó se queixaba de que lle puxeron unha multa por aparcar no sitio reservado á Policía Local na Ramallosa. ¡Pero se eles aparcan como lles da a gana!

Radar en Augas Mansas

Xa comentamos que estes días estaba a circular o coche da DGT para facer controis de velocidade e de alcolemia por Teo. Os primeiros días situáronse pola zona de Luou e xa diciamos que axiña os veríamos por Augas Mansas, unha zona limitada a 40 km/h e que xa indica que é zona controlada por radar, aínda que todos sabemos que non había tal radar. Ata hoxe.

Acábannos de achegar unhas fotos da presenza do radar en Augas Mansas (cremos que de onte ou de hoxe, non especifican) das que lamentamos a calidade, pero deben de estar feitas desde un coche en marcha, pero dannos para apreciar algúns detalles:

1.  O coche da DGT e da Policía Local, ¿están estacionados nun carril de circulación? Tal parece que debaixo do coche da DGT hai un sinal de STOP. ¿Iso non é unha infracción?
2. O radar non está situado no propio coche da DGT como noutras ocasións, senón que é portátil, está a pé de rúa, situado ¡enriba da estrada!  Onde está parece que é unha praza de aparcadoiro. ¿Iso non é outra infracción?
3. O radar está manipulado por axentes da Policía Local, pero indícannos, aínda que non se ve na foto, que a lo menos había 3 axentes. ¡3 axentes para facer un control de radar! Como si sobraran para patrullar por Teo... (Non podemos confirmar esto último, xa o dicimos)
4. O radar está colocado "estratéxicamente" detrás da marquesiña do bus... ¡para non ser vistos! Por favor...
5. Se son estrictos coa limitación de 40 km/h, o 99% dos conductores poderían ser multados. Quen circule por ahí sabe que 40 km/h é un límite demasiado baixo, tendo en conta que, aínda que sexa zona residencial, hai beirarrúas para que a xente pasee por elas e nunca se ve a nenos xogando (que sería o realmente perigoso). Hai máis probabilidade de atropelar un can ou un gato que a unha persoa... salvo os que van pola estrada tendo beirarrúas.... como comentabamos onte.

Pasear por Teo, tarefa perigosa

Pasear por Teo estase a converter nunha tarefa moi perigosa, pois á falta de visibilidade e falta de beiravías, a maleza que se pode ver nalgúns puntos fai que a persoa que camiña pola estrada eña que invadir boa parte dela, o que fai a risco de ser atropelado.
A todo isto hai que sumarlle que cada vez hai máis xente que está a usar as estradas como campo de entrenamento, ¿quizais para participar na vindeira Carreira Pedestre?, e é habitual ver en zonas como Augas Mansas moitos destes "corredores" que non usan a beirarrúa (acera) senón a beiravía (arcén).
Por útlimo sinalar que, como xa apareceu algún xornal, a Garda Civil estaba a multar á xente que circulaba pola noite sen o chaleco reflectante. Trátase dun bo xeito de concienciar. á xente para que faga uso deste elemento que en moitos casos é vital para ser visto por un/ha conductor/a.
¿Qué pode facer o Concello? En primiero lugar, limpar as beiravías, cheas de maleza de novo, tralo verán. Tamén habería que pensar en mellorar a iluminación de certas zonas do Concello; non para ver, senón para ser vistos. Tamén podería establecer controis coa Policía Local para "aconsellar" a esta xente a que use o chaleco reflectante.
E, por que non, facer unha campaña do uso do chaleco, da man de Protección Civil, como regalando este elemento en lugares públicos como o Concello, Centro de Saúde, etc. Se na anterior campaña se regalaron libros, por qué non chalecos. Hai anos unha entidade financeira xa os regalaba, o cal sempre nos pareceu unha grande idea.

Non estaba morto, estaba de parranda

Tras unhas non-merecidas non-vacacións volvemos por aquí con máis forza que nunca, tomando o espírito dos indignados, porque son tempos para estar indignados por todo, de todos lados nos dan razóns para estalo.
Para os que crían que estabamos "mortos", dicirlles que estabamos de parranda, como dí a canción.

Hai que ser mesquiño para cobrar por oficiar unha boda!

Atentos á nova que aparcía onte:

Teo regula la tasa por prestación del servicio de celebración de boda civil


As taxas empezan en 75 EUR se o casamento é dentro do Concello. Cunha tasa de 30 bodas ao ano, o Concello recaudaría 2.250 EUR. ¿Nos vos parece mesquiño cobrar por isto? ¿Cal é o gasto real para o Concello? ¿Acaso non é de mesquiños cobrar por iso?

Entendemos que o casamento é un acto máis que xa debería entrar na carteira de servizos do alcade ou concelleiros, que para iso teñen un soldo. ¿Para quen vai eses cartos?

¿Cobraríalle o actual alcalde os 75 EUR ao seu irmán ao que casou hai unhas semanas? Se o que oficia é Parajó, por poñer un exemplo, ¿cobraría algo? ¿Teremos que pagarlle aos concelleiros cada vez que fagan algo que xa lles tería que or no cargo, como por poñer un exemplo asistir aos plenos?

Non nos cadra moito que sexa unha iniciativa do alcalde e xusto que salga agora, cando éste está de vacacións, non nons cadra moito, semella como se fose unha iniciativa do grupo municipal pero da cal o alcalde se quixera desvincular por non estar conforme. O cal non nos estrañaría nada.

O novo asfaltado xa se vai cobrando víctimas

 O novo asfaltado estase xa a cobrar as primeiras víctimas, de momento só con danos materiais. Así nolo indica esta persoa que nos comenta dun accidente acontecido onte nunha pista de Balcaide recentemente asfaltada; como se pode ver, ao parecer un conductor perdeu o control do seu vehículo que quedou envorcado nunha zanxa, na cuenta para ser precisos.

As novas pistas están a presentar este problema: as pistas son estreitas, e as beiravías demasiado estreitas, nalgúns casos inexistentes, o cal provoca que ao máis mínimo despiste, o coche se saia da estrada. Co agravante de que as cunetas quedan moi altas.

E non só e un perigo para os coches, senón para os peóns, que moitas veces non teñen para onde apartarse cando pasa un coche preto deles.

¿Unanimidade no Concello para mete-lo zoco?

Esta entrada pode provocar polémica, así que tentaremos expor a nosa postura para que non se malinterprete. O asunto trata desta noticia: Non queremos a Volta en Galicia sen Ezequiel, na que se explica como "o Concello demanda á Federación Española de Ciclismo resolva o expediente aberto a Ezequiel Mosquera xa que, sen estar sancionado, Ezequiel non pode competir [na Volta a España 2011] á espera do pronunciamento por parte da Real Federación Española de Ciclismo".

E como se ve na foto, vén avalada por tódolos grupos, incluído o PP, cousa que sorprende xa que cando estaba no poder case que "despreciaba" a Ecequiel, aínda agora parece que xa pensan doutro xeito, o cal está ben por rectificar.

¿Debería meterse o Concello nesta clase de apoios a deportistas? O caso Ecequiel todavía non está resolto pola Federación e, sendo totalmente escrupulosos, ata que non resolva, non hai nada que facer. A Federación Española ten as súas normas e un ente foráneo coma o Concello non ten nada que facer nin dicir. E menos como representantes institucionais. Porque se resulta que ao final resolven que será sancionado, ¿con que autoridade moral un Concello que me representa pode apoiar a un "tramposo"? ¿Que pensaríamos se o Concello apoiara a Mourinho (ou Guardiola, que aquí hai moito culé), por poñer un exemplo, porque a Federación lle puxo unha sanción? ¿Non resultaría estraño? Todo o mundo se botaría as mans á cabeza.

Esto resulta resulta dun artificio e hipocrisía que dá que pensar, un acto totalmente de cara á galería. Sen pés ne cabeza. E sen pés nin cabeza por parte do PP (que ata o de agora non apoiou ao deporte base do Concello nin moito menos a Ecequiel) nin do Bloque. ¿Acaso non quedan aínda pintadas polo Concello do tipo "Volta a Espanha, fora da Galiza", toda unha frase propia do ideario do Bloque? ("Galiza, como nación, ten dereito á autodeterminación e ao exercicio da soberanía nacional.").


O que queda claro é que este Concello, sen o alcalde, vai á deriva... nacionalista.




NOTA: Para quen pense que estamos en contra de Ecequiel, xa lle adiantamos que está radicalmente errado, e poderíamos ir "máis alá", pero non é o caso.

Incendios en Teo: Nunca Máis

Unha imaxe vale máis que 1000 palabras, di o dito. E achegarse a un monte tras un incendio produce unha desazón indescritible. Mostramos algunas imaxes de montes de Teo (zona de Fornelos e Oza) tras os incendios. Sen palabras.

Pontevea non queda sen Servizo médico

Non hai como petar ás portas para obter resultados. O Centro Médico de Pontevea, pechado por vacacións, seguirá atendendo aos seus pacientes, pero en Cacheiras.
Os pacientes asignados a este centro, atendidos pola Dra. Pérez Villalva, no mes de agosto serán citados na axenda da mesma profesional, pero no Centro Médico de Cacheiras, no mesmo horario que en Pontevea.
De xeito que ninguén quedará sen o servizo.

Xornais en galego

No BNG están a poñer o grito no ceo coa desaparición do, para eles, único xornal en galego, Xornal de Galicia. Pero as cousas non son como as pintan. Como din no anuncio, "non somos tontos".

En primeiro lugar, este xornal non estaba escrito integramente en galego, non hai máis que botarlle unha ollada á portada para ver como as novas mesturan entre galego e castelán. Cousa que si poderiamos dicir do tamén desaparecido Galicia Hoxe. Pero a este último non lle dan tanta importancia porque é afín ao PP. Así de claro. Así de patético.

En segundo lugar, o Xornal naceu na época do bipartito, e grazas a el se puido desenvolver este proxecto empresarial. Proxecto, por certo, propiedade de Jacinto Rey, da constructora San José e, tamén, a empresa adxudicataria do famoso concurso eólico, despois anulado polo entrante goberno de Feijoo. ¿Adiviñan quen son as personaxes que saen na foto coa que ilustramos este artigo? Acertaron: Anxo Quintana (do BNG) e Jacinto Rey. ¿Casualidade? Por suposto que non. Ao tal Rey non lle saíron as cousas como esperaba: o bipartito foi un sono moi corto co cal remataron o concurso eólico e as subvencións para o seu xornal. E todo isto agravado pola crise económica que afectou maioritarimente ao sector da construcción.
Así que as augas volven ao rego.

A vocación (palabra que ultimamente aparecía nas redes sociais) de Xornal non é a defensa do galego, senón que era a excusa para vivir das subvencións e ter unha plataforma mediática de poder. O xornal de tirada nacional Público seguerá o mesmo camiño, por algo xa está á venda.

Por último, queremos deixar constancia de que moitas veces todos estes autodenominados defensores do galego son uns "estafadores" morais. E querelos comparalos con verdadeiros defensores de Galicia como a revista Nós, é de chiste. Pero de chiste de chorar, do malo que é...

A sede do PP cambia de ubicación, non pecha

O que parecía un peche é un cambio de ubicación, así que a sede do PP non pecha e só cambia de ubicación, como aclara o concelleiro do PP Eloi Gesto no seu blog. Así que como rectificar é de sabios, poñemos a rectificación.
Un apunte: o novo local estará en Montouto, ao lado da cafetería Mar Adentro, onde traballa o que foi a "oposición" interna do actual comité local do PP de Teo. ¡Vaia coincidencia! ¿Ou non? E lembrade, antes de entrar, hai que petar á porta: TOC, TOC!

WAKA-RUMOR: Alegría polo último Pleno

Deunos alegría comprobar que no último Pleno do Concello de Teo acudiu unha persoa da que nos contaran que tiña certos problemas de saúde. Alegrámonos de que volvese ao seu traballo e desde aquí lle enviamos o noso afecto e ánimo, por si nos le.

A sede do PP de Teo tamén pecha en Cacheiras

Segundo nos informan, parece que a sede do PP en Teo tamén pecha as súas portas. A tan anunciada sede dos populares ao final desaparece tralos malos resultados electorais, e tamén pola falta de fondos, por suposto. Como xa vimos dicindo desde hai meses, a falta de implicación dos membros dos comités (PP e PSOE) provoca estas situacións.
Agora xa non poderemos visita-la para velo tempo que fará en Teo. (Algúns din que o que sae aí non é o "home do tempo", senón un tal Guerra que algún día se presentou a alcalde de Teo, ¿alguén se lembra? Para nós, sempre será o home do tempo...)

Tanto PP como PSOE e InTeo (este nunca tivo sede externa) teñen os seus despachos no edificio do Concello, na Ramallosa, para que os veciños interesados lles vaian a levar as súas queixas e peticións.

Pecha a sede do PSOE en Teo

Parece que pecha a sede do PSOE en Teo, e de feito esta mesma tarde xa apareceu co rótulo luminoso quitado. Cúmprese, unha vez máis, o xa anunciado hai semanas neste blog: que ante a debacle nas eleccións, o grupo non tería cartos para soster a sede. Lembremos que ata o de agora se "aproveitaban" de gran parte do soldo dunha "membra" do corporación para soster o local.

Incendio no lugar de A Torre (Novas fotos)

Enviáronnos máis fotos do incendio, que gustosamente publicamos. A estas horas xa non se divisa fume nin medios aéreos; deste volta foron rápidos e eficaces.

Incendio no lugar de A Torre (Cacheiras)

A iso das sete e media da tarde declarouse un incendio na zona de A Torre, en Cacheiras. A esta hora o fume pódese divisar desde moitos puntos do concello, polo cal parece que é bastante importante.
Ademais dos medios propios do Concello, hai medios aéreos como un helicóptero e un avión que está a dar bastantes pasadas desde hai unha hora.
Temos imaxes, nas que se vén por unha banda a fumareda que s epode divisar desde lonxe, e os medios aéreos que están a intervir (a calidade das imaxes non é moi boa porque foron feitas cun teléfono móbil e a moita distancia).

Incidente no Gadis de Cacheiras

Preto das 2 da mañá de hoxe algou debeu de acontecer no Gadis de Cacheiras que se fixo necesaria a presenza da Garda Civil. Puidemos observar cómo unha parella da Garda Civil accedía ao exterior do supermercado, atravesando a porta de acceso ao aparcadoiro (non sabemos se forzando a porta ou saltando).
O caso é que estiveron dando voltas e vixiando cara o interior durante moitos minutos. O máis probable é que saltase a alarma do local e estivesen botando un ollo por se había alguén no interior. Sobre as 2 da mañá todavía seguían vixiando polo aparcadoiro, supoñemos que agardando por algún responsable do supermercado para que lles abrise as portas (como xa sucedera no supermercado Dia de Montouto hai uns meses).
Non podemos ofrecer máis novas xa que unha cita ineludible nos agarda en Cacheiras e a boa noite que temos ano non se pode desperdiciar.

Ea, ea, ea! O alcalde se cabrea...

O asunto da feira cabalar parece que lle está a dar un quebradiero de cabeza ao sr. alcaldel, que ata parce que perdeu as formas. ¿Será por iso ou será por outros "problemas"? En fin, traemos un resumo da evolución deste tema e podedes xuzgar vós mesmos...

Comentabamos hai uns dias a noticia de que Teo suprime este año el concurso caballar por razones económicas
A esta noticia, as reacións non se fixeron esperar e o propio Martiño tivo que defender esta decisión na prensa, aducindo problemas económicos e falta de financión externa. Todo iso, na mesma época na que se facía Música na Noite, dous días de festa, na que o Concello colabora economicamente. Son cousas diferentes, pero a xente empezou a facer comparacións e uns síntense marxinados por outros.

O PP de Teo aproveitou este feito para meter un pouco de ruido (é o seu traballo como oposición) adoptando unha postura de defensa a ultranza do sector cabalar en Teo. Podiamos ler na súa web cousas como:

O Grupo Popular lamenta que o equipo de goberno do Concello de Teo desaproveite un evento de tanta potencialidade turística e económica para os negocios locais, sendo un dos máis célebres e populares de Galicia, que cada ano concita máis de 3.000 visitantes no municipio.

Con esta decisión o concello da a espalda aos intereses do sector, facendo oidos xordos á indignación crecente dos propietarios, afeccionados e gandeiros pola suspensión da festa cabalar.  

E no PP estiveron a manter reunións co sector, aínda que hai opinións diferentes respecto das mesmas (comentarios no noso Blog):

(Anonimo #1) curiosa reunion onte cos do PP, non propuseron nada, daba a impresion que nos chamaron para que lles diseramos que a culpa que non habia concurso era do bloque, case nos chaman a nosos burros porque alguns non dixeron que non a ruta a cabalo [...] os que falaron foi ese eloy e a rapasa do bariloche, eses dous queren meter caña a martiño co concurso pero non teñen puta idea de cabalos, [...] dixo que agora habia cartos para o cuncurso que sobraban duna piscina, pois aver si ai pelas e faise 

(Anonimo #2) Eu son un dos que estivo na reunión e non se falou mal de música na noite nin se dixo que non se fora á ruta cabalar. Sencillamente se dixo que se debería de facer o Concurso cabalar.

Pero o mellor de todo (mellor porque así se anima un pouco a cousa, que ultimante non hai moita movida) foi a reacción do Sr. Alcalde no Facebook, ante un comentario dunha rapaza no seu muro (¡por Deus, pero como se atreveu esta rapaza a profanar o muro do Sr. Alcalde!), lede, lede:

Noelia Freire Nande
Paréceme estupendo que se recorten gastos , falta fai nos tempos que corren, pero o que xa me parece vergonzoso é que a señora Hermida teña a pouca vergoña de decir que unha feira cabalar non se considera cultura [NOTA de Desbloquear: fai refencia a unha noticia publicada nos medios: Críticas a Hermida por la supresión del concurso caballar], ten chiste a cousa cando o di a propia concelleira de cultura, non? [...] Pero que agora se veña dicindo que unha feira cabalar non é cultura cando acoden centos de persoas e se celebrou ata o de agora sen problema algún e se retire por expreso capricho paréceme indignante Martiño.

Martiño Noriega Sánchez
Non me parece moi elegante que empregues o meu muro Noelia para criticar a unha terceira persoa que é compañeira do grupo de goberno e defendía unha posición do grupo de goberno.[...] Hai razóns que dan outros que eu non comparto [..] e non ando por muros alleos facendo críticas a terceiros.[...] Eu estou indignado polo peche en Agosto do centro de saúde de Pontevea.

Noelia Freire Nande  
Eso queda moi bonito Martiño, pero as consecuencias pagámolas o resto. E non é un muro alleo, diríxome expresamente ó señor alcalde que tamén pincha e corta no asunto. Non critiquei , dei a miña opinión repito, que é mesma dun cento máis.

Martiño Noriega Sánchez
Fai o que consideres Noelia, eu douche a miña opinión no meu muro onde entraches a criticar a unha compañeira.Por certo, o do centro de saúde de Pontevea, que afecta e indigna a milleiros de veciñ*s non me parece nada bonito.Eu focalizo alí a miña indignación. 

E por si se borra, gardamos a instantánea (pinhcar par ampliar).

Gadis de Cacheiras xa apagan as luces

Alegrámonos ao saber que o centro de Gadis xa apaga as luces pola noite, co cal colaboran ao aforro enerxético, diminúen a contaminación atmosférica e lulímica, e deixan aos veciños durmir coas fiestras abertas. Un acerto.

Gadis non entende de aforro enerxético

Trala inauguración do novo Gadis en Cacheiras, xa levamos dúas noites que puidemos comprobar como Gadis non entende de aforro enerxértico e fai un uso excesivo da iluminación exterior polas noites. Na fotografía tomada hai dous días, aínda que onte estaba igual a iso da unha da mañá, pódese ver cómo non reparan en gastos lumínicos, co uso de grandes focos para iluminar ¿o aparcadoiro?

Ademais do despilfarro en luz, hai que pensar tamén na contaminación lumínica e ¿que pensarán os veciños dos bloques veciños que terán que durmir coas persianas baixadas en pleno verán porque a luz que lles chega é insoportable para durmir?
¿Tomará cartas no asunto o Concello ou está todo correcto, non hai problema ningún? Porque nós sí que vemos un grande problema, non que teñan luz, senón que non as apaguen unha vez rematada a xornada laboral, ou a partir de certa hora da noite.

Incendios forestais e fincas en mal estado

O mal estado das fincas e dos montes, provocan que o que podería ser un pequeno incencdio forestal, se convirta nun incendio de grandes dimensións.
A pesar de que desde o Concello o propio alcalde Martiño fixo fincapé na necesidade de que os que posúan fincas e montes deben de mantelos en bo estado, basta con limpalos de vez en cando, o certo é que basta con dar un paseo por Teo para ver o total abandono de fincas e montes.
Desde o Concello din que fan o que poñen, pero parece que non está a ser suficiente e cómpre máis axilidade agora que o tempo está a dar unha tregua.
Para rematar, queremos comentarvos algo que puidemos escoitar ao respecto dun rcente incendio de Teo. Resulta que hai unhas semanas houbo un incendio importante en Teo, con perigo para as casas. O caso é que o incendio se produciu nunha finca en mal estado, chea de toxos, que provocaron a rápida propagación do lume. Pero o curioso é que a dona da finca tiña así a finca a propósito. ¿Por que? Pois porque facíalle de "barreira" protectora da casa, evitaba así que lle entraran a roubar. Incrible, pero certo...

Mala política coa supresión do concurso cabalar

Non é doado facer unha política de contención de gastos e contentar a todo o mundo. Pero hai cousas que identifican a un Concello e a un xeito de vida, o que se lle chama Cultura, e que sempre de debería de protexer. E o concurso cabalar é un deses casos. Non só polo que representa, senón pola imaxe que de Teo tense desde fóra. Sería inconcebible, por exemplo, que non se celebrara a rapa das bestas de Sabucedo, ou a feira cabalar da Ascensión en Santiago.
Hai cousas que se deberían de protexer porque facéndoo estamos a protexer a nosa cultura. E o caso é moito máis "sangrante" cando un partido como o do BNG  defende a independencia de Galicia. ¿Indepedencia para que? ¿Que quedará en Galicia se non protexemos o noso? Non se sostén unha cousa coa outra.

Se xa criticamos a decisión de Ames de eliminar o MillaRock, agora criticamos con toda a nosa dureza a supresión do consurso cabalar de Teo, cando hai uns días o Concello loubábase de colaborar con "Música na noite", que non é máis que outra manifestación cultural.

Un mal camiño o que se está a tomar en Teo se empezamos por suprimir as tradicións. E estamos a falar só de 20.000 € que para o alcalde supón "un forte investimento de fondos propios e recursos humanos do propio Concello". Non sabemos as cifras de Música na Noite, se alguén as tén, que as publique, máis que nada para comparar.

Para finalizar... nunca asistimos á feira cabalar de Teo e, de feito, non nos interesa moito, pero iso non quita que defendamos o que pensamos é noso e dos nosos pais e avós; en Teo sempre houbo tradición cabalar e deberiase seguir mantendo.

Notica en La Voz:
Teo suprime este año el concurso caballar por razones económicas

Nacionalistas de gorxa para arriba

Asombrados quedamos coa noticia: Quintana deixa O Hórreo para crear no Brasil unha empresa

Resulta difícil entender como alguén de defendeu a ultranza o nacionalismo e a independencia de Galiza, agora deixe todo para actuar como un mero capitalista especulador (vai traballar a unha empresa de fondos de inversión). E por riba, vai xerar riqueza a outro país.

Con esta clase de políticos, non resulta estrano que dentro do BNG haxa tantas disputas e desencontros. E falando do BNG, para setembro hai asamblea xeral e ahí o noso benquerido Martiño dará moito que falar. O Encontro Irmandiño será protagonista, xa volo estamos adiantando en primicia aquí. Vai haber sorpresas, con Martiño como protagonista, agora reforzado coa maioría absoluta obtida en Teo. De momento non podemos desvelar moito máis, pero nun dos nosos "waka-rumores" vos contaremos algo máis, que poucos saben...

A programación cultural en Teo non entende de austeridade

Entre hoxe e mañá celebrarase o grupo de concertos denominados "Música na noite", coa actuacións dos grupos ATAQUE ESCAMPE, GALEGOZ, NOVEDADES CARMIÑA, MEDOMEDÁ (o venres 1 de xullo) e a BANDA DE GAITAS S.R. CALO (esa S.R. que lle negou os primeiros auxilios a unha rapaza nas pasadas festas de Calo), OS ESTALOTES, BELLON MACEIRAS QUINTETO, MERCEDES PEÓN, ULTRÄQÄNS (o sábado), e con acampada (#acampadacalo) gratis e aparcadoiro.

O caso é que neste festival colabora o Concello de Teo, entendemos que economicamente. Non sabemos o custe que terá esta organización (agradecemos que alguén nos informe). O caso é que no veciño concello de Ames, o novo alcalde Santiago Amor (do PP) puxo en marcha o plan de austeridade e unhas das primeiras decisións foi suprimir o festival MillaRock que se celebraba tódolos anos; non é que o suspendera, senón que deixa de subvencionalo (o custe era de 8.000 EUR) co cal xa non se organiza.

Son dous xeitos diferentes de facer política. Cada quen que saque as súas conclusións.

Novo incendio en Teo, zona de Verxeles

Sobre as 22:30H do venres declarouse un incendio na zona de Raxó, mais en concreto no entorno de Portoameneiro na pista que vai de Raxó ata a rotonda de Verxeles. Ás 22:40 xa estaban os de Protección Civil e menos de 5 minutos despois, os Bombeiros. Nun primeiro momento, os de Protección Civil andaban despistados porque non sabían onde estaba exactamente o lume, pero axiña o atoparon. De novo, unha rápida intervención desta agrupación.

Hoxe xa saen máis datos do mesmo en El Correo Gallego. En concreto, vironse afectados varios chalés, como o do "famoso" Carlos Agrelo (xerente da BMW e coñecido polo seu romance con Terelu Campos):
Evacuados varios chalés en Teo por la cercanía de un incendio

No xornal indican que o incendio foi ás 18:00 e rematouse de extinguir ás 22:55, pero nós poidemos ver como a iso das 22:40 a patrulla de Protección Civil chegaba ao lugar e 5 minutos despois, facíao a dotación de bombeiros. E o incendio aínda estaba moi activo como para ser apagado ás 22.59H como indican no xornal.

E xa van 5 incendios importantes, que nós coñezamos, no que vai de ano. Algúen terá que espabilar e poñer máis vixiancia nos montes. Menos controis de tráfico e máis nos montes!

Un novo incendio en Teo

Nestes momentos da publicacion desta entrada efectivos dos bombeiros (3 motobombas e un helicóptero) estan intentando controlar a zona afectada por un gran incendio que xa se divisa dende Santiago. Afectou na zona de "A Torre" desplazándose hacia "Ribas" polo vento. Non podemos informar moito máis xa que os efectivos e o despliegue non nos deixaban pasar, evidentemente. As chamas como se pode ver nas fotos son impresionantes.

Na zona de A Torre podiase ver as casas co lume ó carón e os veciños preparadoe con mangueiras e cubos apagando o incendio. O lume que afectaba a zona impedia pasar co coche.

Adxuntamos as primeiras fotos na zona de A Torre e a zona de Ribas vista dende a rotonda onde esta o cruze dos Verxeles.

Seguirmos informando cando adademos máis novas deste incendio.

O principal problema para a opoción: os cartos que cobrarán

Unha vergonza o que se viviu no primeiro pleno, mal empezamos... O único que lle preocupou á oposición, son os cartos que cobrarán por estar alí: PP, PSOE e InTeo, preocupados polo mesmo. Para os cartos, ben que se entenden entre eles... Mal empezamos. E logo se sorprenden dos indignados... Non temos nada máis que dicir, nós si que estamos indignados con estes "representantes".

Novo despregue policial en Teo

Hai un par de días puidemos ver de novo un amplio despregue policial da Garda Civil en Teo. Así, polo día (non sabemos se foi casualidade) unha avioneta voaba pola zona de Cacheiras dando numerosas voltas pola zona. E xusto nese intre, na estrada A Estrada-Santiago, xusto á altura da ITV en Cacheiras, había un control policial da Garda Civil, a ambos lados, cun gran despregue. Xa á noitiña podíanse case unha decena de coches da Garda Civil agrupados na Gaiteira, na esplanada do novo Gadis.
Non sabemos o que buscaban, pero o certo é que a cousa debía de ser importante porque non se tratata dun simple control. Se alguén sabe algo máis, que informe, por favor.

Incendio en Augas Mansas

Hoxe a iso das 14H declarábase un incencio en Augas Mansas, en concreto, na fábrica abandoada que está no medio desta urbanización. O incendio foi bastante espectacular porque saía moito fume negro, debido a que se queimaban restos de goma e parte do tellado de uralita, co cal o fume que saía era tóxico.
Os primeiros en chegar foron os de Protección Civil de Teo (para que log digan que están durmindo...) e os veciños amosaron o seu malestar porque os bombeiros ¡tardaron más de 45 minutos en chegar!
Non nos puidemos achegar moito porque o fume era tóxico, pero pódese apreciar nas fotos as proporcións do incendio.

WAKA-RUMOR: ¿Volve o sector crítico ao PSOE de Teo?

Cada vez son máis fortes os rumores de que o denominado Sector Crítico volvería ao PSOE de Teo polo que apunta moita xente que nos informou de que as súas reunións son cada vez máis frecuentes.


No blog de TSST xa se apunta a algo diso e cando o río soa, auga leva. Coidamos que quizáis non o queiran dicir, pero a nosa intuición lévanos a pensar que algún membro estaría pensando seriamente en presentarse na asamblea, motivo polo cal Jano Leis estaría tan nervioso que perdería ata os papeis e as formas, dando lugar a que desde O Pino lle vetaran a formación da anterior asamblea por irregularidades.

WAKA-RUMOR: Os socialistas deixarán o seu local

A ausencia de dedicación exclusiva será a puntilla que lle faltaría aos socialistas de Teo para que teñan que deixar o seu local da agrupación. Non hai cartos abondo para sostelo e non parece que desde o Pino solten un peso para axudar.

Cóntannos que antes das eleccións, os gastos eran sufragados por parte do soldo dun represante socialista no concello, ao que se apartaba parte do soldo para a "causa". ¿E para que lle serviu tanto sacrifcio? Agora nin queda representante nin dedicación. Así que sen cartos non haberá nada que facer.
Pero que non se preocupen, que o noso amigo Parajó nunca tivo local e nin falta lle fixo para obter case os mesmos votos que todo un grupo con local propio. Agora terán que facer uso do local que o Concello lles reserva aos grupos da oposición.

Sobre as dedicacións exclusivas

Antes de que confirmase que o alcalde só ía condeceder dedicacións exclusivas aos membros da Corporación, xa se podía adiviñar este punto, como fixemos por aquí. O tema das dedicacións exclusivas sí, dedicacións exclusivas non para a oposición, estivo xerando debates antes de coñecerse a decisión.

Por unha banda, uns alegan que á oposición, nin auga. Outros, que a oposición merece algunha axuda económica para que poida desenvolver o seu traballo. Tamén se apuntaron temas de vinganza política, vellas rencillas, etc. Outros apuntaban que se o BNG non concedía dedicacións exclusivas á oposición, os alcaldes dos concellos da comarca deberían de facer o mesmo (o PP de Santiago ou de Ames, por exemplo) e non dar ningunha ao BNG.

¿Cal é a nosa opinión? Sinceramente, non coñecemos abondo o asunto, pero entendemos que un Concello debe de contar cos mellores concelleiros para saír adiante, e se cadra o mellor xeito de logralo é que se involucren ao 100% na súa labor como concelleiro. Un concelleiro que non ten unha dedicación exclusiva, é moi difícil que poida estar ao 100% dedicado ao Concello. E nós como veciños esiximos que os nosos representantes o dean todo polo Concello.Polo tanto, apoaimos que tódalas dedicacións exclusivas sexan para os que van gobernar.

¿E que ocorre coa oposición? A oposición debe plantexarse que se está aí é porque o pobo así o quixo. E como pobo que somos, non queremos que os nosos cartos vaian a quen non nos representa. Esta afirmación habería que matizala, pero pensemos en qué diriamos se Martiño lle dera a Parajó ou á representante do PSOE unha dedicación excludiva. ¿Veriamolo lóxico? Cremos que non.

Como tódalas cousas, todo é matizable pero non cremos que o alcalde se equivoque. Agardamos que isto faga que os concelleiros traballen mellor e que cando queiramos ir falar con eles, estén sempre no seu despacho, porque agora xa non terán escusa para non estar.

Por último, sinalar que segundo saía na prensa, a oposición non se queda sen un can, senón que, <> (La Voz de Galicia)

Nada máis que engadir. O que se metera este ano na política pensando que ía "chupar do bote", que se olvide.

Aclaración de Protección Civil de Teo

Facémonos eco do comentario que nos fixeron chegar desde Protección Civil de Teo sobre un comentario que alguén puxo no noso blog, dudando da eficacia desta agrupación teense. No noso blog, para que quede claro, fixémonos eco de que o alcalde eloxiaba a actuación da Policía Local e de Protección Civil de Teo nos últimos incendios, aínda que se queixaba dos medios postos pola Xunta.

Respecto ó comentario de que Protección Civil de Teo estaba na cama..., e que chegaron antes os de Brión: Brión e Boqueixón teñen Grumir con servizo 24 horas e persoal pagado por Xunta e Deputación,e a obriga de atención a toda a comarca, e Teo ten un servizo municipal de emerxencias, con servizo de 8 a 22 horas. Sen embargo, o outro día,o sábado pola noite, o distrito forestal de Ordes movilizou a Protección Civil de Teo ás 12 da noite para o lume de Baiuca, en Solláns,e acudiron 4 membros do servizo municipal, fóra de hora e foron eles os que entraron ó monte e o apagaron, cando eles só teñen obriga legal de protección de persoas e bens, así que..., por favor, antes de falar, hai que informarse, porque non é xusto criticar a labor dunhas persoas que están para axudar á poboación e que moitas veces desenvolven unhas competencias que non lles corresponden, porque cando sucede algo grave, non se paran a mirar de quen son as competencias, e tratan de axudar no que poden, e se hai unha chamada nocturna (porque o 112 ten os teléfonos privados dos responsables do servizo e tamén do alcalde) se son movilizados, non se paran a mirar se están fóra de hora ou non.
Cando foi do lamentable atentado na sede socialista, o 112, e eso é comprobable porque tódalas chamadas se graban, non avisou, e en cambio, ás veces avisan na madrugada por un can que anda polo medio dunha aldea...

Podedes preguntar polos medios, o persoal co que conta, e os horarios de Protección civil, as súas competencias e actuacións,para poder estar informad@s ou entrar no seu facebook: Protección Civil de Teo
Gracias
Protección Civil de Teo

Ameaza [falsa] de alarma en Cacheiras

A iso das 23.30H producíase unha ameaza de bomba en Cacheiras. A Garda Civil e Policía Nacional "tomaron" a estrada de Cacheiras que permaneceu cortada ata as 00:00.
Ao prinicipio había confusión e todo apuntaba a que a ameaza era na sede do PP (aínda está recente a bomba que estourou na sede do PP en Ordes).
Ao final foi todo unha falsa ameaza. Ao parecer apareceu una maleta e alguén, por precaución, avisou á Policía. Publicamos a foto de parte do despregue policial que houbo.

WAKA-RUMOR: Guerra aberta contra os "do Pino"

Xa non esconden a súa doenza contra os "do Pino", e falan de puñaladas trapeiras agora que fixeron dimitir ao seu secretario local.

Por "Os do Pino" enténdese ao máximo representante a nivel comarcal, os que mandan. Era un segredo a voces que non se "tragaban" e os resultados electorais foron a excusa perfecta para forzala dimisión. Agora, sen nada que perder, éstes xa atacan abertamente aos que antes lles ían facer reverencias. Hipocrisía pura e dura.

Chapuzas no asfaltado

Estes días están a asfaltar un tramo da estrada que vai de Augasmansas ata Recesende. O resultado da obra, case xa rematada, é unha pequena, por non dicir grande, chapuza por varias razóns, que enumeramos a continuación:

A obra non está convenientemene sinalizada e así, nos días pasados, cando querías xirar desde Augasmansas ata Recesende, atopábaste de "morros" cun sinal de "estrada cortada" tendo que desfacer o medio xiro do coche xa feito, co conseguinte susto.

Desde onte, colocaron uns conos para sinalizar as arquetas centrais que están a cubrir con cemento (sobre o asfalto, outra chapuza) pero agás dos conos, non había outra sinalización. Ver foto:

Hoxe xa aparecía un sinal de obras, pero as maniobras que hai que facer para poder circular, son bantante perigosas, como se amosa na foto, na que os coches teñen que circular polo carril contrario varios mentros.

Á parte de todo iso, o resultado final deixa bastante que desexar. O asfaltado é en quente, pero como se pode apreciar nas fotografías, máis que unha estrada parece unha pataca ondulada "matutano". Hai tantas ondas na estrada que parece que vas en barco un día de marexada!

Por certo, que tamén tivemos a ocasión, de pillar in fraganti a un veciño repintando a estrada diante da súa casa. Debe de ser que non estivo dacordo con que lle pintaran unha liña continua na entrada...

Fin de semana con lumes forestais

 

Este fin de semana houbo varios incendios forestais nos límites de Teo. O máis importante foi o declarado o sábado na zona de A Poboa (no monte chamado da Cruxeira que limita coa zona de Conxo en Santiago). O lume podíase ver desde a tarde e non foi extinguido ata chegada a noite, por medios aéreos abundantes (a lo menos dous helicópteros non pararon en toda a tarde).
O domingo a primeira hora da tarde tocoulle a Biduido - Ames, un lume que se podía ver desde a estrada xeral, pola zona da Casalonga. Era monte baixo, pero as chamaradas eran moi visibles.
E pola noite do domingo, outro pequeno incendio na zona da Baiuca.

Esperemos que fose unha casualidade, porque tal parece que estes romanos queren sitiar á aldea gala por medio do lume... O tempo vén húmido esta semana, así que agardamos que mellore a situación.

Na extinción participaron efectivos de Santiago, da Xunta e do propio Concello de Teo, como Policía Local e Protección Civil. O alcalde de Teo criticou a actuación dos efectivos da Xunta ao considerar que non estiveron á altura. Non sabemos exactamente o que quixo dicir: "Infórmanme de que os medios terrestres da Xunta deixan moito que desexar." (Martiño Noriega)

PSOE - Como "liquidar" a un presidente

Aínda que non unha nova sobre Teo, queremos compartir con vós isto. Resulta curioso ver a web do PSOE nacional, xa que dun día para outro, "liquidaron" a Zapatero e foi substituído por Rubalcaba; como si Rubalcaba fose o mesmísimo presidente do goberno! Velaquí unha mostra gráfica da web do PSOE deste martes 31 de maio:

A web, no seu conxunto... ¿a quen vedes?

  

A foto da portada está dedicada ao presidente, perdón, a Rubalcaba.

Na banda das fotos, destaca Rubalcaba. ZP só aparece (sombreado) nunha delas...

Na sección de novas, Rubalcaba 2 - Zapatero 1.

Na sección de audios, RB 2, ZP 2, con ZP mencionando a RB de xeito explícito e indirecto. Ou sexa, RB 4 - ZP 0.

 

Na nube de Tags, RB empeza a gañar protagomismo fronte a ZP.

 Na sección de Participación ¡xa se fala de como participar nas primarias! 

E fixádevos na banda da galería de fotos!