O río Ulla contaminado, e o alcalde precupado por outros lares...

Mentras o río Ulla sofre un verquido, agora descoñecido, non vaia ser que sexa culpa do Concello, o noso alcalde anda preocupado polo Eume, por unha catástrofe ecolóxica (que os técnicos e ecoloxistas están a descubrir, para tristura de PSOE e BNG e Irmandiños, que non é tan grave como se cría) en manifestacións que "cheiran" máis que os verquidos....

En fin, é o que ocorre por ter un alcalde "mediático", máis preocupado de saír nos medios que de estar ao frente dun concello "descabezado" e máis á deriva que nunca. Volvemos aos tempos nos que pediamos un concello desbloqueado.

Desastre ecolóxico no río Ulla en Teo

E na mesma noticia de El Correo Gallego:

Teo. El río Ulla, a su paso por Teo, era marco el pasado sábado de un vertido cuyo origen –según los pescadores– se relaciona presuntamente con la depuradora local. 


Un desastre ecolóxico no río Ulla en Teo, por culpa da depuradora local. ¿E agora a culpa de quen é? ¿Da Xunta? ¿Non terá ningunha responsabilidade o Concello de Teo por non vixiar?

Martiño Noriega e Rafael Sisto deberían de dar explicacións, ao seren os responsables das concellarías de Medio natural e Infraestrutura, respectivamente. Pero moito nos tememos que non chiarán.

Roubos en Teo

Ampliamos a información da nova que saía hoxe no xornal El Correo Gallego:

[...] Además, y sin salir del municipio, en Cacheiras ocurrían ayer de madrugada tres robos, que se registraban en un bar, un inmueble y un camión.

Nome do bar: Bar Teo (en Cacheiras)
Inmoble: Casa en contrucción (leva anos así) ao lado do cemiterio.
Camión: Camión estacionado na esplanada do cemiterio. Ao parecer roubaron gasóleo.

Piscina da Ramallosa... quizais para o 2015

Desta vez xa se nos adiantou a prensa e se onte vos comentabamos a posiblidade de que a piscina da Ramallosa se ía demorar, hoxe puidemos ler na prensa que o Concello de Teo non ten cartos cos que afrontar os pagos aos provedores (nada novo) e terá que pedir un crédito ICO e subirá os impostos (sí, iso que tanto critican aos demáis...)
Teo prevé subir en 2015 la recogida de basura un 26% y el agua un 10%

WAKA-RUMOR: Piscina da Ramallosa

¿Está paralizada a obra da piscina da Ramallosa?
¿Ten o concello cartos para pagar aos provedores?
¿Haberá piscina para este verán?

Tendas dos chinos en Teo

Continuando coa folga Xeral, un par de reflexións.
Non vin en ningún medio de comunicación, a sindicalistas nas portas cos comercios dos chinos.

Segundo, en Teo as tendas dos chinos estaban abertas.

Terceiro, ¿cumpren a normativa en Teo? En canto a horarios comerciais, ¿existen? ¿Están vixiados?
¿As tendas cumpren coas normativas de seguridade? Porque non se ven extintores nin saídas de emerxencia, etc.

¿Teñen bula estes establecementos? ¿Por que os Concellos nunca o explican? ¿A que lle teñen medo? Se Teo é unha república independente, ¿por que non actúa como tal?
E despois, os pequenos comerciantes a pagar impostos, alugueres, licenzas de apertura, seguridade social...

O noso apoio a estes pequenos empresarios e todos os que están na mesma situación mentras os políticos non deixan de cobrar os sus soldos e dedicacións exclusivas, ¿para que? (para andar todo o día de troula polas televisións): 'Liquidamos negocio por desesperación'

¿Folga en Teo?

Eran as 9 da noite e en Teo estaban abertos, e as cafeterías ateigadas de xente.
¿Non houbo folga en Teo? ¿Terá razón o alcalde cando dicía que eramos unha república independente?

Fusións de concellos ou servizos: Teo non é un bo referente

Dificilmente en Teo se pode falar de compartir SERVIZOS cando se está a deber o "recibo" do Refuxio de Bando. Con que cara pode un concello como Teo falar de compartir servizos cando non paga os que xa comparte?

¿Unanimidade no Concello para mete-lo zoco?

Esta entrada pode provocar polémica, así que tentaremos expor a nosa postura para que non se malinterprete. O asunto trata desta noticia: Non queremos a Volta en Galicia sen Ezequiel, na que se explica como "o Concello demanda á Federación Española de Ciclismo resolva o expediente aberto a Ezequiel Mosquera xa que, sen estar sancionado, Ezequiel non pode competir [na Volta a España 2011] á espera do pronunciamento por parte da Real Federación Española de Ciclismo".

E como se ve na foto, vén avalada por tódolos grupos, incluído o PP, cousa que sorprende xa que cando estaba no poder case que "despreciaba" a Ecequiel, aínda agora parece que xa pensan doutro xeito, o cal está ben por rectificar.

¿Debería meterse o Concello nesta clase de apoios a deportistas? O caso Ecequiel todavía non está resolto pola Federación e, sendo totalmente escrupulosos, ata que non resolva, non hai nada que facer. A Federación Española ten as súas normas e un ente foráneo coma o Concello non ten nada que facer nin dicir. E menos como representantes institucionais. Porque se resulta que ao final resolven que será sancionado, ¿con que autoridade moral un Concello que me representa pode apoiar a un "tramposo"? ¿Que pensaríamos se o Concello apoiara a Mourinho (ou Guardiola, que aquí hai moito culé), por poñer un exemplo, porque a Federación lle puxo unha sanción? ¿Non resultaría estraño? Todo o mundo se botaría as mans á cabeza.

Esto resulta resulta dun artificio e hipocrisía que dá que pensar, un acto totalmente de cara á galería. Sen pés ne cabeza. E sen pés nin cabeza por parte do PP (que ata o de agora non apoiou ao deporte base do Concello nin moito menos a Ecequiel) nin do Bloque. ¿Acaso non quedan aínda pintadas polo Concello do tipo "Volta a Espanha, fora da Galiza", toda unha frase propia do ideario do Bloque? ("Galiza, como nación, ten dereito á autodeterminación e ao exercicio da soberanía nacional.").


O que queda claro é que este Concello, sen o alcalde, vai á deriva... nacionalista.




NOTA: Para quen pense que estamos en contra de Ecequiel, xa lle adiantamos que está radicalmente errado, e poderíamos ir "máis alá", pero non é o caso.

Incendios en Teo: Nunca Máis

Unha imaxe vale máis que 1000 palabras, di o dito. E achegarse a un monte tras un incendio produce unha desazón indescritible. Mostramos algunas imaxes de montes de Teo (zona de Fornelos e Oza) tras os incendios. Sen palabras.

A sede do PP cambia de ubicación, non pecha

O que parecía un peche é un cambio de ubicación, así que a sede do PP non pecha e só cambia de ubicación, como aclara o concelleiro do PP Eloi Gesto no seu blog. Así que como rectificar é de sabios, poñemos a rectificación.
Un apunte: o novo local estará en Montouto, ao lado da cafetería Mar Adentro, onde traballa o que foi a "oposición" interna do actual comité local do PP de Teo. ¡Vaia coincidencia! ¿Ou non? E lembrade, antes de entrar, hai que petar á porta: TOC, TOC!

WAKA-RUMOR: Alegría polo último Pleno

Deunos alegría comprobar que no último Pleno do Concello de Teo acudiu unha persoa da que nos contaran que tiña certos problemas de saúde. Alegrámonos de que volvese ao seu traballo e desde aquí lle enviamos o noso afecto e ánimo, por si nos le.

A sede do PP de Teo tamén pecha en Cacheiras

Segundo nos informan, parece que a sede do PP en Teo tamén pecha as súas portas. A tan anunciada sede dos populares ao final desaparece tralos malos resultados electorais, e tamén pola falta de fondos, por suposto. Como xa vimos dicindo desde hai meses, a falta de implicación dos membros dos comités (PP e PSOE) provoca estas situacións.
Agora xa non poderemos visita-la para velo tempo que fará en Teo. (Algúns din que o que sae aí non é o "home do tempo", senón un tal Guerra que algún día se presentou a alcalde de Teo, ¿alguén se lembra? Para nós, sempre será o home do tempo...)

Tanto PP como PSOE e InTeo (este nunca tivo sede externa) teñen os seus despachos no edificio do Concello, na Ramallosa, para que os veciños interesados lles vaian a levar as súas queixas e peticións.

Pecha a sede do PSOE en Teo

Parece que pecha a sede do PSOE en Teo, e de feito esta mesma tarde xa apareceu co rótulo luminoso quitado. Cúmprese, unha vez máis, o xa anunciado hai semanas neste blog: que ante a debacle nas eleccións, o grupo non tería cartos para soster a sede. Lembremos que ata o de agora se "aproveitaban" de gran parte do soldo dunha "membra" do corporación para soster o local.

Jano Leis abandonaría a política tralo 22-M

Os astros falaron de novo. E non é broma. A poucos días das eleccións, recurrimos de novo aos astros para comprobar si as predicións feitas antes da campaña electoral, se seguían cumprindo. E abofé que se seguen a cumprir, e desta vez a pitonisa aporta máis detalles.
Do PP, os astros non varían na súa predición, indicando que seguirán como estaban, non chegando a cumprirse os obxectivos buscados (que segundo o mesmo Guerra dixo, é a maioría absoluta).
Do Bloque, segue a indicarnos o mesmo, isto é, que se ve como o claro vencedor. Niso non hai dúbidas.
Para InTeo, a situación mantense, non chegando a acadar os tan comentados, por Parajó, tres concelleiros. Desta volta parece que se quedará como estaba.
Ao respecto do PSOE, os astros volven a comentarnos que Jano Leis entablará moitas conversacións, moitas xuntanzas e reunións. Moito diáologo. Pero que todo acabará en fracaso e que abandonará o seu proxecto, neste caso, político. É dicir, os astros auguran o fracaso socialista en Teo e a caía do seu líder, quen se marchará.

Nota: Para os incrédulos, só diremos que o que aquí detallamos provén dunha consulta real a unha vidente. Que desta volta os arcanos volvan a dar os mesmos resultados, a nós, polo menos, danos moito que pensar. Non cremos nas meigas, pero habelas, hailas.